Rydych wedi dweud wrthym y byddai'n well gennych siarad â ni am eich syniad prosiect cyn i chi ddechrau cwblhau
ffurflen gais. Rydym wedi gwrando ar eich adborth ac yn gofyn i ymgeiswyr gysylltu â ni dros y ffôn neu e-bost cyn i
ni anfon ffurflen gais atoch. Nid asesiad mo hwn – rydym yma i'ch cefnogi i ddatblygu eich syniad
prosiect a siarad trwy unrhyw gwestiynau sydd gennych.
Ni ddylech boeni bod gennych ddim ond un cyfle i siarad â ni. Cofiwch y gallwch gysylltu â ni eto am gyngor unrhyw
bryd. I gael y budd mwyaf o'r sgwrs, gwnewch yn siŵr eich bod yn darllen nodiadau arweiniad y rhaglen, sydd ar gael
isod.
Mae'r mathau o gwestiynau y byddwn yn eu gofyn ar gael yn y ddogfen arweiniad. Bydd yn ddefnyddiol i chi gael cymaint
o wybodaeth wrth law â phosib. Os ydych yn gofyn i ni am gyngor ar eich syniad prosiect trwy e-bost, rhowch gymaint
o wybodaeth â phosib yn eich e-bost er mwyn i ni roi adborth priodol yn ein hateb.
Os credwch fod eich prosiect yn rhywbeth y gallwn ei ariannu ond mae angen i chi wneud rhywfaint o waith pellach ar
eich syniad, byddwn yn cynnig cyngor i chi ei ystyried cyn rhoi ffurflen gais i chi.
Os teimlwn fod eich prosiect yn barod, byddwn yn anfon ffurflen gais atoch i chi ei chwblhau a’i dychwelyd. Ar ôl i
ni dderbyn eich ffurflen wedi'i chwblhau, byddwn yn asesu'ch cais ac yn rhoi penderfyniad i chi o fewn 3 mis. Os nad
yw eich prosiect yn rhywbeth y gallwn ei ariannu o dan Pawb a'i Le, byddwn yn dweud pam wrthych.
Gallwch gysylltu â'n tîm Cymorth trwy anfon e-bost i cymru@cronfagymunedolylg.org.uk
neu ffonio 0300 123 0735 rhwng 9am a 5pm, dydd Llun i ddydd Gwener.
Dogfennau cysylltiedig
Noder na
allwn dderbyn fersiynau hŷn y ffurflen gais mwyach.
Gwiriadau
Fel mudiad sy’n dosbarthu arian cyhoeddus, rydym yn
cyflawni nifer o wiriadau ar yr wybodaeth a ddarparwch i ni.
