Neidio i'r prif gynnwys

Pawb a'i Le

  • Lleoliad y prosiect: Cymru
  • Swm: £20,001 i £700,000
  • Penderfyniad mewn: 40 wythnos
  • Statws y rhaglen: Yn agored i geisiadau

Ar ddydd Mercher 9 Medi 2026, fe wnaethom gynyddu’r swm uchaf ar gyfer ein grantiau canolig a mawr i £150,000 a £700,000. Dysgwch ragor am y newidiadau, gan gynnwys beth yw eich opsiynau os gwanethoch wneud cais cyn y dyddiad hwn.

Rydym ni am ariannu prosiectau sy'n gweithio'n agos gyda phobl a chymunedau yng Nghymru. Dylai eich prosiect fod yn hygyrch ac ymateb i’r materion sydd bwysicaf i'ch cymuned.

Drwy gymuned rydym ni’n golygu pobl sy'n rhannu hunaniaeth, diddordeb neu brofiad - neu bobl sy'n byw yn yr un lle.

Yn eich ffurflen gais, mae’n rhaid i chi ddangos sut y bydd eich prosiect yn:

  • cynnwys eich cymuned wrth ddatblygu, dylunio a chyflawni’r prosiect

  • adeiladu ar sgiliau, profiadau a chryfderau eich cymuned

  • deall beth sydd eisoes yn digwydd yn lleol, a sut y bydd eich gwaith yn llenwi bwlch

  • ystyried ei effaith amgylcheddol, er enghraifft, rhannu cludiant trwy ddefnyddio bws mini yn hytrach na phawb yn teithio ar wahân mewn car

Nodau cymunedol

Mae’n rhaid i’ch prosiect hefyd fodloni o leiaf un o’n nodau. I helpu cymunedau i:

  • ddod ynghyd

  • helpu plant a phobl ifanc i ffynnu

  • galluogi pobl i fyw bywydau mwy iach

  • bod yn amgylcheddol gynaliadwy

I gael rhagor o wybodaeth, ewch i’n tudalen nodau.

Dewis y grant cywir i’ch prosiect chi

Gallwch ymgeisio am grant canolig neu grant mawr, yn dibynnu ar faint o arian sydd ei angen arnoch.

Grantiau canolig

Gallwch ymgeisio am rhwng £20,001 a £150,000 i ariannu prosiect sy’n rhedeg am hyd at 5 mlynedd.

Gallwch ddefnyddio’r arian hwn i:

  • helpu eich sefydliad i addasu i newid neu heriau

  • prynu tir, adeiladau, cerbydau neu dalu am waith adnewyddu (gelwir y rhain yn gostau cyfalaf). Wrth ymgeisio am grant cyfalaf, dylai eich prosiect ddilyn Cynllun Gwaith RIBA a bod ar gam 4 neu’n uwch.

Gallwch hefyd ymgeisio am hyd at £50,000 tuag at gynllunio prosiect cyfalaf. Gall yr arian hwn eich helpu i gael eich prosiect i gam 4 o Gynllun Gwaith RIBA.

Mae grantiau canolig yn defnyddio proses ymgeisio un cam ac fel arfer mae’n cymryd tua 15 wythnos i gael penderfyniad.

Grantiau mawr

Gallwch ymgeisio am rhwng £150,001 a £700,000 i ariannu prosiect sy’n rhedeg am hyd at 5 mlynedd.

Gallwch ddefnyddio’r arian hwn i:

  • helpu eich sefydliad i addasu i newid neu heriau

  • prynu tir, adeiladau, cerbydau neu dalu am waith adnewyddu (gelwir y rhain yn gostau cyfalaf).

Mae grantiau mawr yn defnyddio proses ymgeisio 2 gam ac fel arfer mae’n cymryd tua 40 wythnos i gael penderfyniad.