corff statudol (gan gynnwys cyngor tref, plwyf neu gymuned)
Ni allwn dderbyn ffurflenni caisgan:
unigolion
unig fasnachwyr
mudiadau y mai eu bwriad yw creu elw yn bennaf i’w ddosbarthu’n breifat y rhai nad yw eu hasedau wedi’u cloi neu fudiadau a all dalu elw i gyfarwyddwyr neu gyfranddeiliaid
CBC cyfyngedig trwy gyfranddaliadau
mudiadau sydd eisoes wedi cyflwyno cais Arian i Bawb y Loteri Genedlaethol ac sy’n aros am benderfyniad ar hyn o bryd
mudiadau sydd wedi’u lleoli y tu allan i’r DU
Un mudiad ar ran y llall.
Am beth rydym ni'n chwilio yn eich cais?
Mae gan Arian i Bawb y Loteri Genedlaethol dair blaenoriaeth ariannu ac mae'n rhaid i chi fedru dweud wrthym yn eich cais sut fydd eich prosiect neu weithgaredd yn:
dod â phobl ynghyd ac adeiladu cysylltiadau cryf o fewn ac ar draws cymunedau
gwella'r lleoedd a lleoliadau sy'n bwysig i gymunedau
galluogi mwy o bobl i gyflawni eu potensial trwy weithio i ddelio â phroblemau yn y cam cynharaf posib.
Mae'n bwysig i ni eich bod yn cynnwys eich cymuned wrth ddylunio, datblygu a chyflwyno'r gweithgareddau rydych yn eu cynllunio. Rydym yn teimlo y bydd eich prosiect neu weithgaredd yn fwy llwyddiannus o ganlyniad i hyn.
Rydym yn awyddus hefyd i gefnogi mudiadau bach a byddwn yn ystyried eich incwm wrth i ni wneud penderfyniad.
Fe’ch anogir i wylio’r fideo byr hwn gan y gallai fod ddefnyddiol i esbonio sut i gynnwys eich cymuned wrth ddylunio, datblygu a chyflwyno’r gweithgareddau rydych yn eu cynllunio.
Gallwn ariannu amrywiaeth eang o eitemau ac mae rhai enghreifftiau o'r rhain isod. Nid rhestr gynhwysfawr mo hon, felly dylech gysylltu â ni os ydych yn ansicr.
Gallwn ariannu:
cyfarpar
digwyddiadau unigol
prosiectau cyfalaf bach
costau staff
costau hyfforddi
cludiant
gwres a golau/costau rhedeg
treuliau gwirfoddolwyr.
Ni allwn ariannu:
alcohol
costau wrth gefn, benthyciadau, gwaddolion neu log
Y ffordd fwyaf hwylus o lenwi'r ffurflen yw o fewn y ffeil ei hun - nid oes angen i chi argraffu, oni bai bod yn well gennych ei hanfon trwy'r post.
Anfonwch y ffurflen gais wedi'i chwblhau atom trwy e-bost neu'r post.
Byddwn yn eich hysbysu chi am ein penderfyniad ymhen tua deg wythnos.
Os oes angen mwy o wybodaeth arnoch, cysylltwch â ni yn cymru@cronfagymunedolylg.org.uk neu ffoniwch ein tîm cymorth ar 0300 123 0735. Gall defnyddwyr cyfnewid testun ffonio ni ar 18001 plws 0300 123 0735.
Mae Cronfa Gymunedol y Loteri Genedlaethol yn gofalu am ein hamgylchedd ac rydym bob amser yn ceisio rheoli ein heffaith amgylcheddol. Rydym yn annog ac yn cefnogi prosiectau a chymunedau i wneud yr un peth. Dysgwch fwy am sut y gallwch wneud eich prosiect neu ddigwyddiad hyd yn oed yn fwy cynaliadwy ac arbed arian.
