Blaenau Gwent Grant Programme

Rydym eisiau cefnogi grwpiau nad ydynt erioed wedi cael grant gennym o'r blaen.

Does dim rhaid i chi fod yn grŵp sy'n bodoli eisoes, dim ond o leiaf dri o bobl sydd ei angen arnoch.

Fel grŵp, rydych am wneud i rywbeth ddigwydd yn eich cymuned ac mae angen rhywfaint o arian arno i'w roi ar waith.

Gallwn eich helpu i sortio y gwaith papur os credwn ei fod yn rhywbeth y gallwn ei ariannu.

Mae croeso i grwpiau sydd eisoes â chyfansoddiad wneud cais hefyd.

Os ydych eisiau ymgeisio am fwy na £300, gallwch ymgeisio am un o’n rhaglenni eraill:

Grantiau Arian i Bawb y Loteri Genedlaethol hyd at £10,000

neu

Grantiau Pawb a’i Le rhwng £10,001 a £500,000

Mae'r grantiau hyn yn arbennig ar gyfer Blaenau Gwent felly mae'n rhaid i'ch cynlluniau ddigwydd yno.

Hoffem ichi orffen yr hyn yr ydych am ei wneud o fewn chwe mis o dderbyn ein grant.

Gallwch wneud cais am hyd at £300 i dalu am bethau fel offer, gweithgareddau unwaith yn unig,

• costau hyfforddi,
• treuliau gwirfoddolwyr,
• costau cynnal a theithio -
• pethau a fydd yn helpu'r gymuned ym Mlaenau Gwent i ffynnu.

Dylai eich cynlluniau ystyried canllawiau Llywodraeth Cymru ar atal Coronafeirws rhag lledaenu. Byddwn yn chwilio am syniadau y gellir eu cyflwyno'n ddiogel yn y chwe mis ar ôl i chi gael eich grant.

Beth na ddylem ei gynnwys?

Mae ychydig o bethau na allwn dalu amdano. Mae'r rhain yn cynnwys alcohol, gweithgareddau i hyrwyddo gwleidyddiaeth neu grefyddau, a gweithgareddau i wneud mwy o arian gan gynnwys codi arian neu elw.

Ni allwn chwaith dalu am unrhyw beth rydych eisoes wedi talu amdano neu ei wneud a phethau y mae sefydliadau eraill - fel yr awdurdodau lleol - i fod i dalu amdanynt. Cysylltwch â ni os nad ydych yn siŵr.