Paratoi ar gyfer eich cyfweliad

Yn gyntaf, llongyfarchiadau am gael cyfweliad gyda Chronfa Gymunedol y Loteri Genedlaethol.

I’ch helpu i fanteisio ar y cyfweliad i’r eithaf, edrychwch ar y dolenni gwe isod. Byddan nhw’n eich helpu i ddeall yr hyn a wnawn yn y Gronfa a sut rydyn ni’n cefnogi pobl a chymunedau ledled y DU i ffynnu.

Mae’r ffordd yr ydych chi’n paratoi ar gyfer eich cyfweliad wir yn gwneud gwahaniaeth. Ar wahân i wneud i chi sefyll allan i’ch panel cyfweld, bydd yn eich helpu i deimlo’n barod ac yn ymlaciedig.

Rydym eisiau i chi fod eich hun, felly boed ydych chi’n brofiadol mewn cyfweliadau, neu’n poeni am sut fyddwch chi’n ymdopi yn y sefyllfa, cofiwch eich bod wedi cyrraedd mor bell â hyn oherwydd rydych eisoes wedi dangos bod gennych y gallu. Mwynhewch y broses, ac os oes unrhyw bryderon neu anghenion ychwanegol gennych nad ydynt wedi cael eu trafod a’u cytuno arnynt eisoes, cysylltwch â Timpobl@cronfagymunedolylg.org.uk

Hoffem i chi gael profiad da yn eich cyfweliad gyda ni; rydym wedi ymrwymo i fod yn deg ac yn gynhwysol. Edrychwn ymlaen at eich cyfarfod ac fe’ch anogwn i ddysgu’r hyn y gallwch chi am ein gwaith a’n pobl.

Cronfa Gymunedol y Loteri Genedlaethol – sut rydym ni’n ariannu ac yn cefnogi pobl a chymunedau ledled y DU.

• Darllenwch eich e-bost cadarnhau cyfweliad yn fanwl. I ymgeiswyr Cymraeg, gwiriwch ym mha iaith (Cymraeg neu Saesneg) y bydd eich cyfweliad yn cael ei gynnal.
• Ymchwiliwch i’r Gronfa – chwiliwch am erthyglau newyddion diweddar, defnyddiwch beiriannau chwilio (Google, Bing ayb), defnyddiwch y dolenni uchod a darllenwch yr Adroddiad Blynyddol a’r Cynllun Corfforaethol.
• Sicrhewch eich bod yn gwybod eich hanes gyrfa, byddwch yn barod i drafod eich gyrfa hyd yn hyn
• Gwnewch ymchwil am eich panel o gyfwelwyr – defnyddiwch LinkedIn ar gyfer hyn, mae’n dangos eich bod yn rhagweithiol a bod diddordeb gennych yn eu cefndir
• Côd gwisg – Smart/Hamddenol – taclus ac wedi’ch paratoi
• Ymarferwch ateb rhywfaint o gwestiynau trwy ddefnyddio’r enghreifftiau yn y pecyn hwn
• Rhowch amser i’ch hun – Ymchwiliwch y daith i’r swyddfa/lawrlwythwch y feddalwedd os yw’r cyfweliad ar-lein a gwiriwch eich bod chi’n hapus â’ch safle ar y camera. Byddwch yn barod 15 munud cyn y cyfweliad a chymerwch funud i reoli eich anadlu. Cyn pob cwestiwn, cymerwch anadl ddofn a meddyliwch cyn ateb
• Gwenwch ac ymgysylltwch â’r panel cyfan
• Cyn y cyfweliad – Nodwch enwau’r panel mewn llyfr nodiadau (rhag ofn i chi eu hanghofio) a pharatowch ychydig o gwestiynau ar eu cyfer (3 – 5). Efallai bydd y cwestiynau hyn yn cael eu hateb yn ystod y cyfweliad beth bynnag, ond o leiaf gallwch chi ddweud eich bod wedi paratoi rhai ohonynt. Gallwch fynd â’r llyfr nodiadau hwn gyda chi i’r cyfweliad
• Os ydych chi’n gwneud cyflwyniad, sicrhewch eich bod yn gwybod sut i rannu eich sgrîn ac ymarferwch ychydig o weithiau i sicrhau eich bod yn aros o fewn y terfyn amser. Cadwch amser ar gyfer cwestiynau ar y diwedd, os yn bosibl.

• Sicrhewch fod eich dyfais wedi’i gwefru a bod y feddalwedd gywir wedi’i lawrlwytho cyn y cyfweliad
• Gwiriwch osodiad y camera a’r cefndir gan gynnwys y goleuo cywir
• Dim gwrthdyniadau.

• Beth yw prif heriau’r rôl, yn enwedig yn ystod y chwe mis cyntaf?
• Faint o bobl sydd yn fy nhîm a beth yw eu rolau?
• Sut fyddech chi’n disgrifio diwylliant y cwmni?
• Nawr eich bod chi wedi fy nghyfarfod, beth ydych chi’n disgwyl i fod fy her fwyaf petawn i’n llwyddiannus?

• Wrth baratoi am y dull cyfweld hwn, defnyddiwch enghreifftiau i’r cyfrifoldebau swydd o fewn y swydd ddisgrifiad.
• Byddwch eich hun wrth ateb cwestiynau’n seiliedig ar gymwyseddau. Defnyddiwch enghreifftiau go iawn oherwydd bydd hyn yn eich helpu i’w cyfathrebu’n hyderus.
• Mae’n gyffredin iawn i gael eich gofyn i ddisgrifio adeg y gwnaethoch ddangos sgil benodol o fewn sefyllfa benodol.
• Defnyddiwch y rheol STGC (Sefyllfa, Tasg, Gweithredoedd, Canlyniadau) a byddwch mor gryno â phosibl:

1. Dewch o hyd i enghraifft addas
2. Eglurwch y sefyllfa
3. Amlygwch y dasg
4. Pa weithred/oedd gymeroch chi?
5. 6. Pa ganlyniadau gawsoch chi?

• Disgrifiwch sefyllfa lle y gwnaethoch reoli nifer o ofynion a dyddiadau cau a sut y gwnaethoch gyflwyno’r rhain ar amser.
• Sut ydych chi, neu sut fyddech chi’n, mynd i’r afael â phrosiectau yr ydych chi’n gyfrifol amdanynt?

• Dywedwch wrthyf am adeg y gwnaethoch arwain grŵp i gyflawni amcan.
• Sut ydych chi’n cymell eich tîm i gyflawni eu hamcanion?

• Dywedwch wrthyf am adeg pan wnaethoch adnabod dull newydd i ddatrys problem.
• Disgrifiwch adeg yr oedd hi’n anodd i chi wneud penderfyniad yn y gweithle. Sut ddaethoch chi o hyd i ddatrysiad?

• Disgrifiwch sefyllfa lle y gwnaethoch annog pobl i gydweithio.
• Dywedwch wrthyf am sefyllfa oedd yn gofyn i chi ddefnyddio dull gwahanol i gyfathrebu.
• Dywedwch wrthym am adeg y bu’n rhaid i chi ddelio â gwrthdaro â rhanddeiliad.

• Sut ydych chi’n diffinio llwyddiant yn eich rôl?
• Pryd wnaethoch chi weithio fwyaf caled a theimlo’r ymdeimlad mwyaf o gyflawniad?