"Dim ond gyda'n gilydd y gallwn oresgyn heriau" Cefnogi pobl â Cryman-gell a Thalasemia yng Nghymru

Mae Cronfa Gymunedol y Loteri Genedlaethol, y cyllidwr mwyaf o weithgarwch cymunedol yn y DU, wedi dyfarnu bron i £100,000 i Friends of Cymru Sickle Cell and Thalassaemia CIC i ddarparu cymorth sensitif ac wedi'i deilwra i'r teuluoedd y maent yn gweithio gyda nhw.

Gwirfoddolwyr sy'n rhedeg y grŵp cymorth, sydd wedi bod yn rhedeg ers 22 mlynedd, ond mae'r angen am gymorth gan y grŵp wedi cynyddu. Yn ystod y pandemig roedd pobl â Cryman-gell a Thalasemia yn fwy agored i COVID-19 na'r boblogaeth gyffredinol ac mae stigma a diffyg dealltwriaeth am y cyflwr. Maent wedi gwneud cais llwyddiannus am grant o £99,916 gan y Loteri Genedlaethol. Bydd Friends of Cymru Sickle Cell and Thalassaemia CIC yn gweithio'n uniongyrchol gyda phobl sydd â'r cyflwr, gan helpu i egluro sut i gael gafael ar hawliau lles, gan gynnig cymorth ar gyfer unrhyw faterion tai ac addysg plant. Bydd y grŵp hefyd yn esbonio ac yn helpu pobl i gael mynediad at eu hawliau gofal iechyd gan gynnwys tra byddant yn yr ysbyty.

Mynegodd Cyfarwyddwr Gweithredol y grŵp, Faith Walker, bwysigrwydd y gefnogaeth a ddywedwyd

"Dim ond gyda'n gilydd y gallwn oresgyn yr heriau ac uno i godi ymwybyddiaeth o Cryman-gell a Thalasemia yng Nghymru"

Dywedodd John Rose, Cyfarwyddwr Cymru ar gyfer Cronfa Gymunedol y Loteri Genedlaethol

“Mae'r gwirfoddolwyr sy'n rhedeg y prosiect hwn wedi ymateb i anghenion cynyddol y gymuned o bobl sydd â'r cyflwr hwn nad oes llawer yn ei ddeall. Dechreuon nhw gyda grant llai i dreialu'r newidiadau yr oeddent am eu gwneud a nawr maent wedi gwneud cais llwyddiannus am bron i £100,000 i barhau i gryfhau eu sefydliad. Diolch i chwaraewyr y Loteri Genedlaethol mae mwy na £30 miliwn yr wythnos yn cael ei godi ar gyfer achosion da ledled y DU, y llynedd fe wnaethom roi grantiau i fwy na 7,500 o brosiectau i gefnogi iechyd a lles pobl."

Dim ond un o'r 32 prosiect sy'n rhannu cyfanswm o £718,138 a ddyfarnwyd mewn grantiau ym mis Rhagfyr yw hwn. Gallwch gael rhagor o wybodaeth am y rhai eraill yma.

I ddod o hyd i wybodaeth am wneud cais i Gronfa Gymunedol y Loteri Genedlaethol am gyllid i helpu eich cymuned i ffynnu, ewch i tnlcommunityfund.org.uk/welsh neu ffoniwch 0300 123 0735.