Gwneud gwahaniaeth cadarnhaol i’r amgylchedd 

Rydym eisiau ariannu prosiectau sy’n helpu gofalu am yr amgylchedd ac sy’n ymateb i heriau hinsawdd.

Byddwn yn ariannu prosiectau sy’n:

• gwneud defnydd gwell o adnoddau naturiol

• helpu pobl i leihau allrydiau carbon neu arbed ynni mewn bywyd bob dydd

Gwneud defnydd gwell o adnoddau naturiol

Gellir gwneud hyn drwy:

• gynnal sesiynau atgyweirio neu ailddefnyddio cymunedol fel:

• trwsio beiciau, dyfeisiau trydanol neu gelfi

• atgyweirio dillad

• gwneud blychau ffenest allan o wastraff pren

• sefydlu prosiectau tyfu bwyd organig a llesiant 

• lleihau gwastraff ac ailddosbarthu bwyd sy’n weddill o archfarchnadoedd neu siopau, y byddai fel arfer yn mynd yn wastraff

• gweithio gyda byd natur i wella’r amgylchedd lleol, fel plannu coed i leihau gwres mewn ardaloedd trefol neu greu gerddi glaw

Helpu pobl i leihau allrydiau carbon neu arbed ynni mewn bywyd bob dydd

Gellir gwneud hyn drwy:

• osod paneli solar neu nodweddion arbed ynni eraill mewn adeiladau cymunedol 

• cynnig sesiynau cynghori neu weithdai i helpu pobl i wneud gwahaniaethau bach, positif, fel lleihau gwastraff neu ddewis opsiynau teithio isel mewn carbon

• codi ymwybyddiaeth o newid hinsawdd, dewisiadau bwyd, tyfu lleol, coginio neu arbed ynni 

Enghreifftiau o brosiectau a gweithgareddau y gallwn eu hariannu

Agor hwb amgylcheddol gyda chompostio cymunedol

Mae sefydliad yn creu hwb amgylcheddol newydd sy’n cynnig gweithgareddau i bobl o gefndiroedd difreintiedig.

Fel rhan o’r prosiect, mae gwirfoddolwyr yn sefydlu ac yn cynnal safle compostio cymunedol, gan helpu preswylwyr i leihau gwastraff a dysgu arferion ymarferol, cynaliadwy.

Enghreifftiau o brosiectau na allwn eu hariannu 

Addysg amgylcheddol yn yr ysgol

Mae prosiect yn darparu addysgu amgylcheddol yn yr ystafell ddosbarth fel rhan o’r cwricwlwm. Mae’n ailadrodd cynnwys sydd yn cael ei ddysgu yn yr ysgol yn barod ac nid yw’n cynnig buddiannau ychwanegol tu hwnt i wersi arferol.