Pwy all wneud cais

Gallwch wneud cais os yw eich sefydliad yn:

• sefydliad gwirfoddol neu gymunedol sy’n gyfansoddiadol

• grŵp neu glwb cyfansoddiadol

• elusen wedi’i chofrestru

• sefydliad corfforedig elusennol (CIO)

• cwmni nid-er-elw

• cwmni buddiant cymunedol (CIC)

• ysgolion, os yw’r prosiect yn helpu’r gymuned gyfan, ac nid yr ysgol yn unig

• grwpiau chwaraeon, os yw’r prosiect yn agored i’r gymuned ehangach

• corff statudol (gan gynnwys awdurdodau lleol, a chynghorau tref, plwyf a chymunedol)

• cymdeithas budd cymunedol

Gofynion ar gyfer aelodau bwrdd neu bwyllgor

Rhaid cael o leiaf 2 gyfarwyddwr nad ydynt yn perthyn.

Rydym yn ystyried fod pobl yn perthyn os ydynt:

• yn briod neu mewn perthynas sifil

• mewn perthynas hir-dymor neu yn byw gyda’i gilydd

• yn perthyn drwy waed neu trwy bartner

Ysgolion a sefydliadau sy’n gweithio gydag ysgol

Gallwn ariannu ysgolion neu sefydliadau sy'n gweithio gydag ysgol os yw’ch prosiect yn amlwg o fudd i'r gymuned ehangach. Ni ddylai eich prosiect fod o fudd i ddisgyblion, athrawon neu rieni’r ysgol yn unig.

Rydym yn chwilio am brosiectau sy’n:

• dod â'r gymuned leol a'r ysgol at ei gilydd

• defnyddio gofodau neu adnoddau ysgol ar gyfer gweithgareddau cymunedol y tu allan i oriau ysgol

• helpu pobl yn y gymuned ehangach i gysylltu, dysgu, neu gymryd rhan mewn rhywbeth ystyrlon

Rhaid i brosiectau fynd y tu hwnt i gyfrifoldebau arferol yr ysgol. Er enghraifft, ni allwn ariannu:

• gweithgareddau sy'n seiliedig ar y cwricwlwm neu unrhyw beth a ddylai ddigwydd yn ystod y diwrnod ysgol

• gwelliannau i adeiladau ysgolion, ardaloedd awyr agored, neu offer oni bai eu bod ar gael i'w defnyddio gan y gymuned ehangach

• hyfforddiant ar gyfer staff ysgol neu gymorth sy'n canolbwyntio ar addysg

• teithiau ysgol, clybiau ar ôl ysgol, neu amgylcheddau dysgu amgen

Os nad ydych yn siŵr a yw eich syniad yn gymwys, gwiriwch gyda ni cyn i chi wneud cais.