Neidio i'r prif gynnwys

Ein blaenoriaethau amgylcheddol

Newid hinsawdd a cholled byd natur yw dau o’r heriau mwyaf i ni eu hwynebu.

Dywedai gwyddonwyr mai un o’r bygythiadau mwyaf i bobl ar draws y byd yw newid hinsawdd. Ar yr un pryd, mae’r Deyrnas Unedig wedi colli cryn dipyn o’i byd natur a bywyd gwyllt. Mae angen arnom blaned iach a sefydlog er mwyn byw’n dda, aros yn ddiogel ac adeiladu cymunedau cryf.

Mae’r rhain yn broblemau byd-eang. Ond gall gweithredu lleol wneud gwahaniaeth. Dyna pam rydym yn cefnogi prosiectau cymunedol sy’n:

  • adfer byd natur

  • helpu cymunedau i baratoi am newid hinsawdd

Beth rydym eisiau ei ariannu i helpu byd natur a’r amgylchedd

Rydym eisiau ariannu prosiectau sy’n cwrdd ag o leiaf un o’r amcanion yma:

  • helpu pobl i gysylltu gydag a gofalu am fyd natur yn eu hardal

  • gwneud gwahaniaeth cadarnhaol i’r amgylchedd

  • helpu pobl i fynd i’r afael â llygredd yn eu cymunedau

Dylai eich prosiect wneud o leiaf un o’r pethau yma:

  • helpu sefydliadau cymunedol i wella’u heffaith ar yr amgylchedd (gall hyn gynnwys eich sefydliad eich hun)

  • helpu pobl i gymryd camau gweithredu sy’n lleihau eu heffaith ar yr amgylchedd

  • helpu cymunedau i addasu i effeithiau newid hinsawdd

  • adfer, harddu neu greu gofodau ar gyfer bywyd gwyllt a mwynhad pobl ohono

Mae’r amcanion yma yn cydweddu i’n nodau. Wrth i chi gwblhau’ch cais, dewiswch y nod ‘Mae cymunedau’n gynaliadwy o ran yr amgylchedd’

Dysgwch mwy am ein nodau.

Esiamplau o brosiectau a gweithgareddau y gallwn eu hariannu

Lleihau carbon ac ynni

Mae prosiectau a gweithgareddau y gellir eu hariannu yn cynnwys:

  • mesurau effeithlonrwydd ynni fel pympiau gwres, insiwleiddio, ffenestri neu doi wedi’u huwchraddio

  • gosod paneli solar a storio batris

  • archwiliad ynni er mwyn adnabod faint o ynni sy’n cael ei ddefnyddio, pryd mae’n cael ei ddefnyddio, ble mae’n cael ei wastraffu a chyfleoedd i arbed arian ac adnoddau

Gofodau byd natur ac awyr agored

Mae prosiectau a gweithgareddau yn gellir eu hariannu yn cynnwys:

  • gwella ardaloedd awyr agored fel gofodau cyhoeddus neu gampfeydd awyr agored

  • ailwylltio

  • gwarchod, adfywio neu harddu cynefinoedd bywyd gwyllt

  • gwella mynediad at ofodau cyhoeddus i gefnogi iechyd a lles

  • casglu sbwriel

Addysg a pharatoi hinsawdd

Mae prosiectau a gweithgareddau y gellir eu hariannu yn cynnwys:

  • gweithgareddau addysg hinsawdd sy’n helpu pobl i:

    • ddeall y system hinsawdd

    • deall yr effaith ddynol ar hinsawdd

    • gwneud penderfyniadau gwybodus ar faterion sy’n gysylltiedig â’r hinsawdd

    • gwneud newid ymddygiadol cadarnhaol

  • prosiectau ymchwil sy’n cefnogi ymyriadau amgylcheddol neu hinsawdd hir-dymor

  • cynlluniau gwydnwch cymunedol sy’n helpu i baratoi at ddigwyddiadau yn ymwneud â’r hinsawdd fel llifogydd neu dywydd poeth

  • addasiadau i adeiladau fel rhwystrau llifogydd neu loriau gwrth-ddŵr

Byw’n gynaliadwy

Mae prosiectau a gweithgareddau y gellir eu hariannu yn cynnwys:

  • prosiectau bwyd cynaliadwy gan gynnwys rhandiroedd cymunedol

  • gweithgareddau sy’n dysgu am fwyta fforddiadwy a chynaliadwy

  • prosiectau sy’n annog neu’n cefnogi opsiynau trafnidiaeth gynaliadwy

  • lleihau gwastraff fel ailgylchu, atgyweirio ac ailddefnyddio defnydd