Neidio i'r prif gynnwys

Croeso i’n gwefan newydd. Efallai y byddwch yn gweld rhai tudalennau o’n hen wefan wrth i ni symud pethau draw.

Sut i ymgeisio

Dysgwch am y grant hwn mewn digwyddiad

Cofrestrwch ar gyfer digwyddiad yn eich ardal neu ar-lein:

  • Pen-y-bont ar Ogwr: 18 Medi, 10:30am to 1:30pm
  • Caerdydd: 22 Medi, 10:30am to 1:30pm
  • Y Drenewydd: 30 Medi, 10:30am to 1:30pm
  • Bangor: 2 Hydref, 10:30am to 1:30pm
  • Wrecsam: 8 Hydref, 10:30am to 1:30pm
  • ar-lein ar 9 Hydref, 2pm tan 4pm neu 15 Hydref, 11am tan 1pm

Cysylltwch â ni am sgwrs am eich syniad

Gallwch:

Byddwn yn eich cysylltu â swyddog ariannu yn eich ardal o fewn 5 diwrnod o'ch cysylltiad â ni.

Byddwn yn gofyn i chi:

  • sut rydych chi wedi gweithio gyda phlant a gofalwyr o'r blaen. A sut y byddwch chi'n eu cynnwys yn nyluniad, cyflawniad a gwerthusiad y prosiect.
  • pa sefydliadau y byddwch chi'n gweithio gyda nhw
  • pa brofiad sydd gennych o weithio mewn partneriaethau
  • sut rydych chi'n gwybod bod angen eich prosiect, gan gynnwys unrhyw fylchau mewn gwasanaethau lleol y bydd eich gwaith yn eu llenwi
  • pa brofiad sydd gennych chi o weithio gyda natur a'r amgylchedd
  • ble bydd eich prosiect yn digwydd
  • am y gweithgareddau y byddwch chi'n eu cynnal
  • sut y byddwch chi'n defnyddio’r grant datblygu

Y broses ymgeisio

Mae’n rhaid i chi wneud cais am grant datblygu yn gyntaf. Dim ond partneriaethau sydd wedi cael y grant hwn fydd yn gallu ymgeisio am grant i gyflawni’r prosiect yn nes ymlaen.

Cam 1: datblygu’r prosiect

Gall partneriaethau ofyn am grant datblygu hyd at £25,000. Gall hyn eich helpu i dalu am bethau fel:

  • amser staff
  • sesiynau ymgysylltu â phlant a'u gofalwyr
  • cynnal cyfarfodydd partneriaeth

Bydd cefnogaeth ar gael i ddatblygu eich prosiect.

Os ydych chi'n addas i ymgeisio, byddwn yn anfon ffurflen atoch i ddweud mwy wrthym am eich syniad. Bydd angen i chi gyflwyno'r ffurflen hon erbyn 12pm, 1 Rhagfyr 2025.

Gweler y cwestiynau yn y ffurflen grant datblygu.

Byddwn yn rhoi gwybod i chi a ydych chi'n cael grant datblygu erbyn mis Mawrth 2026.

Cam 2 – cyflawni’r prosiect

Ar ôl i chi ddatblygu eich prosiect, byddwch yn gallu gwneud cais am grant o hyd at £2 filiwn i'w gyflawni. Dim ond os ydych wedi cael grant datblygu y gallwch chi wneud cais am hwn.

Gallwn ariannu prosiectau a fydd yn para hyd at 6 mlynedd. Gallwn ariannu rhan o'ch prosiect neu'ch prosiect cyfan.

Byddwn yn anfon ffurflen gais fanylach atoch i wneud cais.

Gweler y cwestiynau yn y ffurflen gais.

Bydd angen i chi gyflwyno'r ffurflen hon erbyn 31 Gorffennaf 2026.

Byddwn yn rhoi gwybod i chi a ydych chi'n cael y grant hwn erbyn Hydref 2026.

Os ydych chi angen cymorth i gyfathrebu

Os yw'n anodd neu'n amhosibl i chi ymgeisio ar-lein, rhowch wybod. Gallwn gynnig ffyrdd eraill o ymgeisio, megis ffurflen sy’n gweithio all-lein.

Cysylltwch â ni os oes gennych unrhyw anghenion cymorth cyfathrebu.

Yr hyn y byddwch ei angen i ymgeisio

Byddwn yn gofyn am:

  • enw cyfreithiol eich sefydliad
  • ei gyfeiriad
  • y math o sefydliad ydyw
  • unrhyw rifau cofrestru (er enghraifft, rhifau elusen neu gwmni)

Gwiriwch y manylion hyn yn ofalus. Gall gwybodaeth anghywir oedi eich cais.

Gwybodaeth am fanylion ariannol eich sefydliad

Byddwn yn gofyn am:

  • gopi o'ch cyfrifon diweddaraf
  • copi o'ch cyfrifon drafft, os yw eich cyfrifon yn hŷn na 10 mis
  • copi o'ch rhagamcanion 12 mis, os yw eich sefydliad yn llai na 15 mis oed
  • dyddiad gorffen eich cyfrifyddu
  • cyfanswm eich incwm am y flwyddyn

Gwybodaeth am eich tîm

Mae angen i chi ddweud wrthym am ddau o bobl yn eich sefydliad. Dylai un fod y prif gyswllt y byddwn yn gallu siarad â nhw ynglŷn â’r prosiect. Dylai’r llall fod yn berson uwch sy’n gyfrifol yn gyfreithiol am yr ariannu.

Byddwn yn gofyn am eu:

  • henwau
  • manylion cyswllt
  • cyfeiriadau cartref
  • dyddiadau geni

Mae’n rhaid iddynt:

  • gael cyfeiriadau e-bost ar wahân
  • fyw yn y DU
  • beidio a bod yn perthyn

Yr hyn rydyn ni’n ei olygu wrth berthyn

Rydym yn ystyried fod pobl yn perthyn os ydynt:

  • yn briod neu mewn partneriaeth sifil
  • mewn perthynas hirdymor neu’n byw gyda’i gilydd
  • yn perthyn trwy waed neu drwy bartner
  • yn byw yn yr un cyfeiriad

Byddwn yn gwirio’r wybodaeth a rowch i ni

Fel sefydliad sy’n dosbarthu arian cyhoeddus, byddwn yn gwirio’r wybodaeth a rowch i ni. Dysgwch ragor am y gwiriadau.

Cytuno i’n telerau ac amodau

Mae’n rhaid i chi ddarllen ein telerau ac amodau a chytuno iddynt cyn cyflwyno eich cais.

Sut rydym yn defnyddio eich data personol

I gael gwybod sut rydym yn defnyddio a storio eich data personol, darllenwch ein hysbysiad phreifatrwydd.