Sut i wneud cais
Gallwch wneud cais gan ddefnyddio ein ffurflen ar-lein
Gallwch gadw eich gwaith wrth i chi ei gwblhau. Mae hyn yn gadael i chi ddod yn ôl yn hwyrach os oes angen.
Os oes angen cymorth arnoch i wneud cais
Os na allwch gwblhau'r ffurflen ar-lein, gallwn gynnig gwahanol ffyrdd o ddweud wrthym am eich prosiect. Mae'r rhain yn cynnwys:
- fersiwn hawdd ei ddarllen o'r ffurflen gais a'r canllawiau
- fersiwn PDF o'r ffurflen gais
- rhannu fideo sy'n disgrifio eich syniad prosiect, yn hytrach na'i ddisgrifio mewn geiriau
- fersiwn Iaith Arwyddion Prydain (BSL) o'r ffurflen gais a'r canllawiau
Cysylltwch â ni os oes angen cymorth arnoch.
Gwnewch gais yn gynnar
Cyflwynwch eich cais o leiaf 12 wythnos cyn bod angen yr arian arnoch. Rydym yn derbyn mwy o geisiadau nag arfer, felly efallai y bydd yn cymryd mwy o amser i ymateb. Arhoswch am gymeradwyaeth cyn dechrau eich prosiect neu wario arian.
Beth sy'n digwydd ar ôl i chi wneud cais
- Byddwn yn adolygu eich cais ac yn ymateb o fewn 12 wythnos.
- Efallai y byddwn yn cysylltu â chi i drafod eich prosiect neu ofyn am fwy o fanylion.
- Os bydd yn llwyddiannus, byddwn yn anfon e-bost atoch ac yn trosglwyddo’r arian i'ch cyfrif o fewn 14 diwrnod. Gallwch ddechrau eich prosiect cyn gynted ag y byddwch chi'n derbyn ein e-bost.
- Efallai y byddwn yn cysylltu â chi i weld sut mae eich prosiect yn mynd.
Rhannwch eich stori. Rhowch wybod i'ch cymuned am eich grant a sut mae'n fuddiol iddynt. Bydd eich e-bost dyfarnu yn esbonio sut i roi cyhoeddusrwydd i'ch grant a chefnogi'ch cymuned. Dysgwch ragor am hyrwyddo'ch prosiect.
Telerau ac amodau
Pan fyddwch chi'n gwneud cais, bydd angen i chi ddarllen a chytuno â'n telerau ac amodau.
Sut rydym yn defnyddio'ch data personol
I ddarganfod sut rydym yn trin eich data personol, darllenwch ein diogelu data.
Lleihau eich effaith amgylcheddol
Mae’r amgylchedd yn bwysig i ni ac rydym yn annog prosiectau i’w ystyried yn yr un modd.
Mae yna ffyrdd syml o wneud eich prosiect neu ddigwyddiad yn fwy amgylcheddol gynaliadwy. Gallai hyn gynnwys defnyddio cyflenwyr lleol, lleihau gwastraff, neu leihau teithio. Gallai hefyd eich helpu i arbed arian.
Gallwch ddod o hyd i fwy o syniadau yn ein canllawiau ar leihau eich ôl-troed amgylcheddol.