Pwy sy'n methu gwneud cais
Ni allwch wneud cais os oes gennych grant cyfredol
Ni fyddwn yn derbyn eich cais:
- os oes gan eich sefydliad grant cyfredol gan Arian i Bawb y Loteri Genedlaethol (o unrhyw wlad yn y DU) sydd heb ei orffen
- os ydych chi'n aros am benderfyniad ar gais arall i'r rhaglen hon
- os ydych chi'n gwneud cais i fwy nag un o'n rhaglenni ar gyfer yr un prosiect
Bydd angen i chi aros nes bod eich grant presennol wedi'i gwblhau, neu eich bod wedi cael penderfyniad ar eich cais arall.
Gallwch wneud cais eto os yw'ch prosiect blaenorol wedi gorffen a bod eich sefydliad wedi derbyn cyfanswm o lai na £20,000 o'r rhaglen hon yn ystod y 12 mis diwethaf. Yr uchafswm y gallwn ei ariannu mewn unrhyw gyfnod o 12 mis yw £20,000.
Sefydliadau nad ydym yn eu hariannu
Nid ydym yn derbyn ceisiadau gan:
- unigolion neu unig fasnachwyr
- sefydliadau sydd wedi'u lleoli y tu allan i'r DU
- cwmnïau er elw (gan gynnwys Cwmnïau Cyfyngedig trwy Gyfranddaliadau)
- sefydliadau sy'n gwneud cais ar ran sefydliad arall
Ceisiadau gan fusnesau preifat neu ymgynghorwyr
Nid ydym yn derbyn ceisiadau a ysgrifennwyd ar eich cyfer gan fusnesau preifat neu ymgynghorwyr.