Cyflawni eich prosiect yn Gymraeg
Os ydych chi'n cael eich ariannu i gynnal prosiect yng Nghymru, bydd angen i chi ei gyflawni yn Gymraeg a Saesneg. Mae hyn yn golygu gwneud yn siŵr bod eich gweithgareddau a'ch cyfathrebu ar gael i'ch cymuned yn y ddwy iaith.
Dylech gynnwys costau cyflawni eich prosiect yn ddwyieithog yn eich cyllideb, er enghraifft, costau cyfieithu neu gyfieithu ar y pryd.
Gallwch ddarllen ein canllawiau ar reoli eich prosiect yn ddwyieithog.
Os oes gennych unrhyw gwestiynau, anfonwch e-bost at y Tîm Iaith Gymraeg CymorthCymraeg@cronfagymunedolylg.org.uk
Sefydliadau sy'n cynnig cymorth
Tîm Hybu, Comisiynydd y Gymraeg
Mae'r Tîm Hybu yn cefnogi elusennau a busnesau i gynllunio eu Gwasanaethau Cymraeg. Maent yn cynnig:
- cymorth un wrth un yn seiliedig ar anghenion
- cyfarfodydd rhwydweithio elusennol a busnes rheolaidd i rannu profiadau ac arfer da
- canllawiau syml ar bob agwedd ar ddatblygu gwasanaethau Cymraeg
- system ar-lein i hunanwerthuso eich gwasanaethau
- gwasanaeth prawfddarllen – hyd at 1,000 o eiriau y flwyddyn
E-bostiwch hybu@cyg-wlc.cymru i ddysgu rhagor.
Helo Blod
Mae Helo Blod yn wasanaeth cyflym a chyfeillgar am ddim sydd yma i gefnogi busnesau i ddefnyddio'r Gymraeg yn hyderus.
E-bostiwch HeloBlod@llyw.cymru neu ffoniwch 0300 25 88 88 i gael rhagor o wybodaeth.