Trosolwg o'r strategaeth

Yr uchelgais trwy’r strategaeth yw creu cymunedau gwydn sy’n fwy cynhwysol a chynaliadwy’n amgylcheddol, gan ariannu gweithgareddau a sefydliadau sy’n cryfhau Cymdeithas a gwella bywydau ledled y DU.

Rydym yn canolbwyntio ein hymdrechion ar le mae’r angen mwyaf. Rydym yn gobeithio gwneud mwy o wahaniaeth yn y blynyddoedd i ddod, drwy wrando ar gymunedau ac ymateb iddynt, a chanolbwyntio mwy ar gefnogi’r effaith fwyaf.

Cymuned yw’r man cychwyn.

Ein nodau cymunedol – yr hyn y byddwn yn ei gyflawni erbyn 2030

Cymunedau yn dod ynghyd

Byddwn ni’n cefnogi cymunedau i ddod ynghyd drwy:

• greu mannau hygyrch, croesawgar, yn ffisegol a rhithiol, i bobl gyfarfod â’i gilydd
• cychwyn gweithgareddau deniadol a chynhwysol sy'n cefnogi cysylltiadau o fewn grwpiau o bobl a rhyngddynt
• galluogi pobl o bob cefndir i lywio dyfodol eu cymunedau
• meithrin ymdeimlad cynyddol o berthyn

Cymunedau yn helpu plant a phobl ifanc i ffynnu

Byddwn ni’n galluogi plant a phobl ifanc i ffynnu drwy:

• greu cyfleoedd i blant a phobl ifanc o bob cefndir fwynhau profiadau cymunedol
• helpu plant a phobl ifanc i lywio’r penderfyniadau sy’n effeithio arnyn nhw a’u cymunedau
• darparu mynediad i blant a phobl ifanc i fannau diogel i chwarae, cymryd rhan, cymdeithasu a chael cefnogaeth

Cymunedau iachach

Byddwn ni’n galluogi pobl i fyw bywydau mwy iach drwy:

• helpu i leihau anghydraddoldebau iechyd
• cynyddu cyfleoedd ar gyfer cyfranogiad cymunedol i lywio gwell gwasanaethau iechyd
• defnyddio dull ataliol tuag at iechyd

Cymunedau sy’n amgylcheddol gynaliadwy

Byddwn ni’n cefnogi cymunedau amgylcheddol gynaliadwy sy’n:

• lleihau allyriadau carbon ac effaith amgylcheddol negyddol
• creu effeithiau amgylcheddol cadarnhaol
• sefydlu mynediad cyfartal i'r amgylchedd naturiol
• gwella ansawdd mannau naturiol

Ein dull

Dyma sut rydym yn rhoi ein strategaeth ar waith:

• dull seiliedig ar degwch i fynd i’r afael ag anghydraddoldeb
• cefnogi cymunedau i adeiladu ar eu cryfderau
• cefnogi’r hyn sydd bwysicaf i wahanol gymunedau
• model cynnig grantiau hyblyg gyda grantiau untro bach yn dechrau o £300 hyd at £20,000, i grantiau mwy hirdymor a buddsoddiadau partneriaeth strategol sylweddol

Ein gwerthoedd

Mae ein gwerthoedd yn llywio sut rydym ni’n gweithio gyda chymunedau, yn arwain ein partneriaethau, ac yn ein helpu i gael effaith ystyrlon:

• gynhwysol
• uchelgeisiol
• canolbwyntio ar effaith
• hyblyg
• tosturiol