Cymunedau yn helpu plant a phobl ifanc i ffynnu

Helpu plant a phobl ifanc i ffynnu 

Rydym am i bob plentyn a pherson ifanc dyfu i fyny yn teimlo’n ddiogel, wedi’u cefnogi ac yn obeithiol am eu dyfodol. 

Mae’r nod hon yn ymwneud â rhoi’r dechrau gorau i fywyd i fabanod, plant a phobl ifanc drwy eu helpu nhw i ffynnu wrth iddyn nhw dyfu. 

Dylai’r prosiectau rydyn ni’n eu hariannu wneud gwahaniaeth go iawn i fywydau plant a phobl ifanc, boed hynny trwy gefnogaeth dydd i ddydd, creu cyfleoedd, neu wella eu hamgylchedd ar gyfer y dyfodol. 

Canlyniadau sy’n helpu plant a phobl ifanc i ffynnu 

Y canlyniadau yw’r newidiadau neu’r buddion rydyn ni’n disgwyl eu gweld o ganlyniad y prosiectau a ariannwn. Maent yn ein helpu ni i ddeall y gwahaniaeth rydych chi’n ei wneud. 

Rydyn ni am ariannu prosiectau sy’n: 

• rhoi dechrau da mewn bywyd i fabanod neu blant 
• helpu plant neu bobl ifanc i ddatblygu sgiliau cymdeithasol ac emosiynol
• cysylltu plant neu bobl ifanc gydag oedolion y maen nhw’n ymddiried ynddynt
• cefnogi pobl ifanc i ffynnu fel oedolion
• darparu neu’n gwella llefydd i blant a phobl ifanc ddod ynghyd - ar-lein neu wyneb yn wyneb
• darparu gweithgareddau neu ddigwyddiadau – ar-lein neu wyneb yn wyneb
• galluogi plant neu bobl ifanc i wneud gwahaniaeth cadarnhaol i’w cymuned
• rhoi ymdeimlad o ddiogelwch, perthyn neu ymddiriedaeth i blant neu bobl ifanc
• gwella cysylltiadau a pherthnasoedd ag eraill
• gwella lles, iechyd corfforol neu iechyd meddyliol
• galluogi plant neu bobl ifanc i wella effaith eu cymuned ar yr amgylchedd 

Dewis nodau a chanlyniadau pan rydych yn ymgeisio

Cyn i chi ymgeisio, gwiriwch y rhaglen rydych wedi ei dewis i weld faint o nodau neu ganlyniadau y maen nhw am i chi eu cynnwys yn eich prosiect. Mae’n amrywio ar draws y rhaglenni.

Fel rhan o’ch cais, byddwn yn gofyn i chi ddewis y nod a’r canlyniadau sy’n cyd-fynd yn agos â’r gwaith rydych yn ei wneud yn eich cymuned.

Mae hyn yn ein helpu ni i ddeall yr effaith ehangach y gall eich prosiect ei chael a sicrhau ein bod yn gallu cefnogi eich gwaith yn y ffordd gywir.

Mae’n bwysig eich bod yn dewis y nodau a’r canlyniadau sy’n adlewyrchu eich cynlluniau orau yn unig. Ni fydd dewis mwy yn cynyddu eich cais o lwyddo.

Camau nesaf

Edrychwch ar ein rhaglenni ariannu i weld pa gymorth sydd ar gael a chael hyd i’r ffit orau.

Darllenwch ein fframwaith nodau llawn i ddeall sut mae rhai canlyniadau yn perthyn i fwy nag un nod. Mae hyn yn golygu y gallai eich prosiect gyfrannu at fwy nag un nod ar yr un pryd - hyd yn oed os ydych chi’n canolbwyntio ar ychydig o ganlyniadau.

Cysylltwch â ni – byddwn yn eich helpu chi i fireinio eich syniadau, cysylltu ag eraill ac ymgeisio am grant.

Astudiaeth achos

Cymorth mentora cynnar sy’n newid bywydau 

Gwrandewch ar Gavin, sylfaenydd Reach Every Generation – grŵp sy’n darparu cymorth, mentora a gweithgareddau pwysig i atal pobl ifanc rhag ymgysylltu â diwylliant gangiau. Mae Gavin yn trafod pam bod ffocws ein strategaeth newydd ar blant a phobl ifanc yn hollbwysig. 

Gwyliwch y fideo ar YouTube.