Ein heffaith – mae cymunedau'n iachach

Gall pobl brofi iechyd gwael am lawer o wahanol resymau. Anghydraddoldebau iechyd yw gwahaniaethau annheg yn iechyd pobl sy'n dod o'r amodau maen nhw'n byw ynddynt. Ledled y DU, mae anghydraddoldebau iechyd yn eang ac yn hirsefydlog.

Mae cymunedau’n chwarae rhan hanfodol wrth helpu pobl i fyw bywydau iachach.

Dysgwch ragor am ein nod mae cymunedau’n iachach.

Yr effaith mewn niferoedd 

Rhwng 1 Ebrill 2024 a 31 Mawrth 2025, fe wnaethom gefnogi cymunedau i fod yn iachach drwy ddyrannu £175.6 miliwn mewn grantiau.

Roedd grantiau a oedd yn canolbwyntio ar y nod hwn ac a ddaeth i ben yn 2024 a 2025 yn cefnogi dros 1.2 miliwn o bobl ledled y DU.

Roedd 51% o'r grantiau yn cefnogi cymunedau i fyw bywydau iachach.

Pa grantiau a gyflawnwyd

Roedd ein grantiau’n cefnogi'r nod hwn drwy helpu:

• gwella lles, iechyd corfforol neu iechyd meddwl (79%)

• cyflwyno gweithgareddau neu ddigwyddiadau sy'n helpu iechyd a lles (15%)

• darparu neu wella lleoedd sy'n cefnogi iechyd a lles (11%)

• gwella gwasanaethau iechyd a lles cymunedol (8%)

Prosiect a ariannwyd gennym - Group Recovery Aftercare Community Enterprise 

Mae Group Recovery Aftercare Community Enterprise (GRACE) yn cefnogi pobl yn Nwyrain Swydd Dunbarton, yr Alban, sy'n delio â thrawma fel dibyniaeth, heriau iechyd meddwl, unigrwydd, neu’r system gyfiawnder.

Mae'n eu helpu i ailadeiladu eu bywydau gan gynnig gweithgareddau fel:

• celf

• dosbarthiadau digidol

• ioga

• teithiau cerdded iechyd

• cymorth gan gymheiriaid

"Dwi'n teimlo'n fendigedig bob dydd. Dwi yn y sefyllfa ffodus fy mod yn gweld bywydau pobl yn cael eu newid o'm blaen. Mae pobl yn dod i mewn ac maen nhw ar eu gliniau, wedi torri yn emosiynol, ac yna'n sydyn maen nhw'n hwyluso dosbarthiadau ac yn rhannu eu profiadau cadarnhaol gyda phobl newydd sy'n dod i mewn."

Robert Smith, sylfaenydd Group Recovery Aftercare Community Enterprise

Darllenwch sut mae Robert yn helpu pobl i ailadeiladu eu bywydau y tu hwnt i adferiad.