Connect Community Trust

Cefnogi syniadau gwych

Connect Community Trust

Trwy ein rhaglen ariannu Cefnogi syniadau gwych yng Nghymru rydym yn gwneud grantiau i gefnogi syniadau am brosiectau sy'n arloesol a phwysig yn strategol sy'n annog newidiadau cymdeithasol cadarnhaol yng Nghymru.

Ardal
Cymru
Yn addas ar gyfer
Sefydliadau gwirfoddol/cymunedol a chyrff statudol
Cyfanswm ar gael
£1.5 miliwn y flwyddyn ariannol hon
Terfyn amser ymgeisio

Dim dyddiad cau

Sut i fod yn llwyddiannus

Trwy ein rhaglen ariannu Cefnogi syniadau gwych, gallwn wneud grantiau i fudiadau sy'n cefnogi syniadau am brosiectau sy'n arloesol a phwysig yn strategol sy'n annog newidiadau cymdeithasol cadarnhaol yng Nghymru.

Caiff y grantiau eu dyfarnu am hyd at bum mlynedd a gallwn ariannu gweithgareddau prosiect, costau gweithredu a chostau datblygu sefydliadol.

Mae gennym ddiddordeb mawr mewn clywed eich syniadau. Os ydynt yn fawr neu'n fach, dywedwch wrthym am y pethau rydych yn credu bydd yn gwella'ch cymuned.

Ein blaenoriaethau ariannu

Rydym yn cefnogi syniadau sy'n bodloni un neu fwy o'r blaenoriaethau ariannu a ganlyn.

Dangoswch wrthym sut rydych yn bwriadu gwneud y canlynol:

  • Bod yn arloesol - Efallai y byddwch am roi cynnig ar ymagweddau newydd sy'n mynd i'r afael â mater newydd neu ddatblygol neu ymagweddau sydd â'r nod o gyflwyno canlyniadau gwell ar gyfer y bobl a'r cymunedau rydych yn eu cefnogi.
  • Datblygu prosiectau a fydd yn adeiladu partneriaethau ar draws sectorau a darparu cefnogaeth anuniongyrchol i gymunedau gydag amcanion tebyg i'r rhai a nodir yn Strategaeth Cymdeithas Sifil y Gronfa.
  • Galluogi mwy o bobl i gyflawni eu potensial trwy weithio i ddelio â phroblemau yn y cam cynharaf posib.

Beth rydym eisiau ei weld

Eich bod wedi datblygu'ch syniad gan gynnwys y bobl a fydd yn elwa

Rydym eisiau gweld eich bod wedi siarad â phobl ac wedi gwrando ar yr hyn y maent yn dweud.

Eich bod yn deall y gweithgareddau a gwasanaethau cyfredol sy'n gwneud gwaith tebyg

Ydych chi wedi siarad â grwpiau eraill? Beth allwch chi ddysgu ganddynt, a sut gallwch chi gyfrannu at y gwaith maen nhw'n gwneud eisoes?

Eich bod yn ymrwymedig at amrywiaeth a chynhwysiad a'r amgylchedd

Byddwn eisiau gwybod am eich polisïau cydraddoldeb ac amgylcheddol os bydd gennym ddiddordeb yn eich syniad.

Darganfyddwch fwy o wybodaeth ar ein egwyddorion cydraddoldeb a polisi amgylcheddol.

Eich bod yn cael eich arwain gan bobl, yn seiliedig ar gryfderau ac yn gysylltiedig

Trwy ein holl raglenni ariannu, mae diddordeb gennym mewn sefydliadau sydd:

  • yn cael eu harwain gan bobl - cynnwys y bobl rydych yn gweithio gyda hwy mewn modd ystyrlon yn natblygiad a chyflwyniad eich gweithgaredd
  • yn seiliedig ar gryfderau - gwneud y mwyaf o'r sgiliau sydd eisoes yn bodoli mewn cymunedau
  • yn gysylltiedig ­- deall beth mae sefydliadau perthnasol eraill yn gwneud a datblygu perthnasoedd gwaith da.
Gwirio a ydych yn gymwys

Pwy all ymgeisio?

Gallwch ymgeisio os ydych yn:

  • Fudiad gwirfoddol/gymunedol
  • elusen gofrestredig neu fudiad elusennol corfforedig (CIO)
  • corff statudol (gan gynnwys awdurdod lleol, cyngor tref, plwyf neu gymuned)
  • cwmni nid er elw gan gynnwys cwmnïau cyfyngedig drwy warant a Chwmnïau Buddiant Cymunedol gydag o leiaf dau gyfarwyddwr (gweler isod am Gwmnïau Buddiant Cymunedol anghymwys)
  • grŵp o fudiadau, cyhyd â bod yr ymgeisydd arweiniol naill ai'n fudiad gwirfoddol/cymunedol neu'n gorff statudol.

Ni fyddwn yn derbyn ceisiadau gan:

  • unigolion
  • unig fasnachwyr
  • sefydliadau sydd wedi’u lleoli y tu allan i'r Deyrnas Unedig
  • unrhyw un sy'n ymgeisio ar ran sefydliad arall
  • sefydliadau y mae eu bwriad yw creu elw yn bennaf i'w ddosbarthu'n breifat. Mae hyn yn cynnwys y rhai heb gloeon asedau digonol neu fudiadau sy'n gallu talu elw i gyfarwyddwyr neu gyfranddeiliaid, a allai gynnwys rhai Cwmnïau Buddiant Cymunedol cyfyngedig trwy gyfranddaliadau
  • sefydliadau heb o leiaf dau unigolyn nad ydynt yn perthyn* ar y bwrdd neu bwyllgor.

(*ddim yn berthynas trwy waed, wedi priodi, mewn perthynas hir dymor neu bobl sy'n cydfyw yn yr un cyfeiriad)

Byddwn yn ystyried ariannu grwpiau anghorfforedig, ond fel arfer, rydym yn disgwyl i grwpiau ddefnyddio'n hariannu i gorffori a, lle bo'n briodol, i gofrestru fel elusen.

Ar beth allwch chi wario'r arian?

Gallwn ariannu:

  • cyflogau staff
  • gweithgareddau prosiect
  • costau rhedeg
  • cyfarpar
  • datblygu sefydliadol

Allwn ni ddim ariannu:

  • gweithgareddau sy'n creu elw er budd preifat
  • gweithgareddau crefyddol (er y gallwn ariannu sefydliadau crefyddol os ydynt yn darparu buddion ar gyfer y gymuned ehangach)
  • gweithgareddau sy'n disodli ariannu gan y llywodraeth
  • gweithgareddau y gall unigolion yn unig elwa ohonynt, yn hytrach na'r gymuned ehangach
  • gweithgareddau gwleidyddol
  • costau ôl-weithredol
  • ad-dalu benthyciadau.

Ddim yn siŵr a ydych yn gymwys?

Os nad ydych yn siŵr os gallwch gael eich ariannu, cysylltwch â ni:

Ffôn: 0300 123 0735

Neges destun: 18001 plws 0300 123 0735 (i’r rhai sydd â nam ar eu clyw neu eu lleferydd)

E-bost: cymru@cronfagymunedolylg.org.uk

Beth i'w ddisgwyl

Cyn i chi ystyried cyflwyno cais, mae'n hanfodol eich bod yn siarad â ni yn gyntaf er mwyn i ni allu pennu a yw'ch syniad yn addas ar gyfer yr ariannu hwn.

Does dim dyddiad cau ar gyfer Cefnogi syniadau gwych - gallwch chi ymgeisio unrhyw bryd.

1. Darganfod a allwn eich ariannu

  • Gwirio eich bod yn gymwys
  • Siaradwch â ni (edrychwch ar 'Dechrau Arni' am fanylion cyswllt)

2. Dweud wrthym beth yw eich syniad

Yn gyntaf, rhowch amlinelliad byr o'ch prosiect i ni.

Rydym yn deall efallai nad ydych yn gwybod holl fanylion eich syniad, ond er mwyn ein helpu i adeiladu dealltwriaeth dda, gofynnir i chi fod yn barod i siarad am y canlynol pan fyddwch yn cysylltu â ni:

  1. 1. Beth ydych chi eisiau ei wneud a pham?
  2. 2. Pa wahaniaeth ydych chi'n credu bydd eich syniad yn gwneud?
  3. 3. Sut mae pobl a chymunedau yn gysylltiedig â'ch prosiect?
  4. 4. Beth yw cefndir eich sefydliad?
  5. 5. Faint o arian ydych chi ei angen gennym ac am faint o amser?
  6. 6. Sut mae eich syniad yn ffitio i mewn gyda gweithgareddau lleol eraill?
  7. 7. Sut mae eich prosiect yn arloesol* ac yn bwysig yn strategol**?

*Gydag 'arloesol', rydym yn golygu:

  • Creu mathau newydd o weithgareddau a gwasanaethau i fynd i'r afael ag anghenion newydd neu ddatblygol: neu
  • Dulliau newydd neu well o gyflwyno gwasanaeth presennol.

**Gyda 'phwysig yn strategol', rydym yn golygu:

Unwaith i ni gytuno bod eich syniad ar gyfer prosiect yn addas ar gyfer y rhaglen ariannu hon, gallwch anfon cynnig amlinellol atom yn y fformat sydd hawsaf ar gyfer eich sefydliad. Er enghraifft, gallwch anfon fideo neu e-bost atom. Os oes gennych unrhyw broblemau'n cyflwyno'ch cais, ffoniwch ni.

Yna, byddwn yn cysylltu â chi o fewn pythefnos gyda'n penderfyniad cychwynnol.

3. Cyflwyno cais llawn

Os bydd eich cynnig amlinellol yn cael ei derfyn, byddwn yn gofyn i chi gyflwyno cais llawn.

Bydd eich cais yn cynnwys:

  • eich cynnig am ariannu
  • manylion y sefydliad
  • eich cytundeb partneriaeth (os yn berthnasol)

Byddwch hefyd yn derbyn arweiniad ar sut i roi eich cais llawn at ei gilydd gan gynnwys y meysydd bydd angen i chi sôn amdanynt. Bydd eich Swyddog Ariannu hefyd yn gallu darparu cyngor ychwanegol.

Bydd Pwyllgor Cymru Cronfa Gymunedol y Loteri Genedlaethol yn gwneud penderfyniad ariannu ar eich cais, yn seiliedig ar asesiad gan y Swyddog Ariannu perthnasol. Gallwch ddisgwyl derbyn penderfyniad terfynol ar eich cais o fewn 12 wythnos.

Os ydych yn llwyddiannus

Byddwch yn derbyn galwad gan eich Swyddog Ariannu a llythyr cynnig trwy'r post.

Os ydych yn aflwyddiannus

Byddwch yn derbyn galwad neu e-bost gan eich Swyddog Ariannu i'ch hysbysu am y penderfyniad ac i gynnig unrhyw adborth perthnasol.

4. Cael cefnogaeth barhaus

Os ydych yn llwyddiannus, byddwn yn gweithio gyda chi i adnabod y lefel gywir o gefnogaeth trwy gydol cyfnod eich grant.

Byddwn yn cytuno ar eich cynllun tâl, pa mor aml y byddwch yn rhoi gwybod i ni am eich cynnydd, a sut byddwn yn derbyn sicrwydd am yr ariannu rydym wedi dyfarnu.


Byddwn hefyd yn trafod sut gallwn eich cefnogi chi i ddathlu a hyrwyddo'ch ariannu, i ymgysylltu â'r gymuned ehangach ac i rannu'n dysgu gydag eraill.