Pwy all ymgeisio

Gallwch ymgeisio os yw eich sefydliad yn un o’r canlynol:

• mudiad gwirfoddol neu gymunedol
• elusen gofrestredig neu sefydliad elusennol corfforedig (CIO)
• corff statudol, fel awdurdod lleol, cyngor tref, plwyf neu gymuned
• cwmni nid er elw gan gynnwys cwmnïau cyfyngedig drwy warant a Chwmnïau Buddiant Cymunedol (CIC)
• grŵp o sefydliadau, cyhyd â bod yr ymgeisydd arweiniol naill ai'n sefydliad gwirfoddol/cymunedol neu'n gorff statudol

Gallwn ystyried ariannu grwpiau anghorfforedig, ond byddem yn disgwyl i chi ddefnyddio’r arian i ddod yn gorfforedig a chofrestru fel elusen os oes angen.

Y gofynion o ran aelodau bwrdd neu bwyllgor

Mae’n rhaid cael o leiaf 2 gyfarwyddwr nad ydynt yn perthyn.

Rydym yn ystyried bod pobl yn perthyn os ydynt:

• wedi priodi neu mewn partneriaeth sifil
• mewn perthynas tymor hir neu’n byw gyda’i gilydd
• yn rhan o’r un teulu