Pwy all ymgeisio

Gallwch ymgeisio os yw eich sefydliad yn un o’r canlynol:

• sefydliad gwirfoddol neu gymunedol cyfansoddedig
• grŵp neu glwb cyfansoddedig
• elusen gofrestredig
• cwmni nid er elw
• cwmni buddiannau cymunedol (CIC)
• menter gymdeithasol
• ysgol (cyn belled â bod eich prosiect yn cynnwys ac o fudd i’r cymunedau o amgylch yr ysgol a’i fod ar wahân i unrhyw ddarpariaeth statudol)
• corff statudol (gan gynnwys awdurdodau lleol, byrddau iechyd, a chynghorau tref, plwyf neu gymuned)

Gallwch ymgeisio fel partneriaeth o sefydliadau. Rhaid i bartneriaid a fydd yn cael rhywfaint o'r grant fod yn un o'r mathau o sefydliadau rydyn ni wedi'u rhestru uchod.

Mae'n rhaid i o leiaf 80% o’r bobl fydd yn elwa o'r prosiect fyw yng Nghymru.

Gofynion bwrdd neu bwyllgor

Mae angen o leiaf 3 aelod o'r bwrdd neu bwyllgor nad ydynt yn perthyn.

Os ydych yn gwmni (yn cynnwys cwmnïau sydd hefyd wedi cofrestru fel elusennau), mae’n rhaid i chi gael o leiaf 3 chyfarwyddwr nad ydynt yn perthyn.

Rydym yn ystyried bod pobl yn perthyn os ydynt:

• wedi priodi neu mewn partneriaeth sifil
• mewn perthynas tymor hir neu’n byw gyda’i gilydd
• yn rhan o’r un teulu