Pwy all ymgeisio
Rhaid i chi wneud cais fel rhan o bartneriaeth
Rhaid i bob mudiad yn eich partneriaeth fod yn:
- elusen gofrestredig
- cwmni cyfyngedig drwy warant (gyda chymal nid-er-elw neu wedi'i gofrestru fel elusen)
- cwmni buddiant cymunedol (CIC)
- mudiad elusennol corfforedig (CIO)
- mudiad elusennol corfforedig yn yr Alban (SCIO)
- cymdeithas budd cymunedol
- cymdeithas gydweithredol (gyda chymal nid-er-elw ac wedi’i gofrestru gyda’r Awdurdod Ymddygiad Ariannol)
- corff cyhoeddus (megis awdurdod lleol, cyngor tref, plwyf neu gymuned)
- ysgol, coleg neu brifysgol - cyn belled â bod y prosiect o fudd i'r gymuned leol ehangach
Os oes angen clo asedau ar eich mudiad
Rhaid i rai mudiadau gael clo asedau. Mae hyn yn golygu bod gennych reolau sy'n atal eich asedau rhag cael eu gwerthu neu eu defnyddio er budd preifat.
Rhaid i chi gael clo asedau os ydych chi'n:
- CIC
- cwmni cyfyngedig trwy warant sydd ddim yn elusen gofrestredig
- cymdeithas budd cymunedol
- cymdeithas gydweithredol
Gallwch ddarllen mwy yng nghanllaw’r llywodraeth i gloeon asedau ar gyfer CICs.
Pwy ddylai fod yn eich partneriaeth
Gall eich partneriaeth fod:
- yn lleol, rhanbarthol neu genedlaethol
- wedi'i leoli yn un o wledydd y DU, neu'n gweithio mewn mwy nag un wlad yn y DU
- yn newydd neu eisoes wedi'i sefydlu
Rydym am ariannu partneriaethau sy'n:
- cynnwys y cymunedau y maent yn gweithio gyda nhw yn y broses o ddylunio a chyflawni'r prosiect
- sicrhau mynediad teg at ariannu ac adnoddau'r prosiect
- ystyried adeiladu capasiti a llywodraethu da
- rhannu'r hyn rydych chi'n ei ddysgu ar draws y sector a gyda phrosiectau eraill rydyn ni'n eu hariannu
- gweithio ar draws gwahanol sectorau
- cynnwys arbenigedd mewn meysydd fel systemau bwyd ac agroecoleg, hinsawdd, amgylchedd, natur, cyfathrebu, dysgu a gwerthuso, a chynrychiolaeth gymunedol
Ni fyddwn yn ariannu mudiadau sy'n gwneud elw
Er enghraifft, mudiad a all rannu elw yn breifat.
Rydym yn croesawu partneriaethau sy'n cynnwys partneriaid yn y sector preifat sy'n darparu arian cyfatebol neu gefnogaeth pro bono.
Dylai'r gefnogaeth hon gryfhau eich prosiect a helpu i gynyddu ei effaith.
Os oes gennych chi ariannu gennym ni eisoes
Gallwch dal i wneud cais. Byddwn yn edrych ar sut y byddai'r ariannu hwn yn gweithio ochr yn ochr â'ch ariannu arall pan fyddwn yn asesu'ch cais.
Os ydych chi'n ysgol neu'n gweithio gydag ysgol
-
Rhaid i'ch prosiect fod o fudd i'r gymuned ehangach, nid athrawon, disgyblion neu rieni yn unig.
Nid ydym fel arfer yn ariannu gweithgareddau ysgol sydd:
- yn gwella cyfleusterau neu offer ysgol
- yn cefnogi hyfforddiant staff
- yn rhan o'r cwricwlwm
- yn rhywbeth y disgwylir i'r ysgol ei gyflawni beth bynnag (megis addysgu pynciau craidd)
- yn digwydd yn ystod oriau ysgol (gall fod yn iawn cyn neu ar ôl ysgol, neu yn ystod amser cinio)
Gofynion aelodau'r bwrdd neu'r pwyllgor
I wneud cais, rhaid i'ch mudiad gael o leiaf 2 aelod o'r bwrdd neu'r pwyllgor nad ydynt yn perthyn. Os ydych chi'n gwmni, rhaid i chi gael o leiaf 2 gyfarwyddwr nad ydynt yn perthyn.
Rydym yn ystyried bod pobl yn perthyn os ydynt:
- yn briod neu mewn partneriaeth sifil
- mewn perthynas hirdymor neu'n byw gyda'i gilydd
- yn perthyn drwy waed neu drwy bartner