Cronfa Gweithredu Hinsawdd – Systemau Bwyd

Rydym am ariannu prosiectau sy'n cryfhau ein system fwyd ac yn lleihau ansicrwydd bwyd i bobl a chymunedau.

Rydym am gefnogi ffyrdd o gynhyrchu digon o fwyd iach a fforddiadwy heb niweidio'r blaned.

Byddwn yn gwneud hyn drwy gefnogi gwaith sy'n:

• gweithio gyda natur i greu systemau bwyd gwydn, cynaliadwy a theg (gelwir hyn yn agroecoleg)
• mynd i'r afael â gwraidd problemau hirdymor, nid dim ond y symptomau (gelwir hyn yn newid systemau)

Rhaid i chi fodloni un neu fwy o'n hamcanion

• Rhaid i'ch prosiect weithio tuag at newid systemau yn y ffordd y mae:

• mae mudiadau cymunedol yn tyfu ac yn cynhyrchu bwyd – gan ddefnyddio dulliau agroecolegol
• mae bwyd yn cael ei ddosbarthu – gan anelu at fynediad cyfartal at fwyd iach a fforddiadwy i bawb
• cynnig opsiynau bwyd gwahanol i bobl a chymunedau – yn enwedig y rhai sy'n profi tlodi, anfantais neu wahaniaethu

Am ragor o fanylion, gweler ein hamcanion ariannu.

Rhaid i chi fodloni'r holl feini prawf hyn

Rhaid i chi ddangos i ni y byddwch:

• yn gweithio mewn partneriaeth
• yn gwneud effaith barhaol ar newid hinsawdd, yr amgylchedd a natur
• yn cynyddu mynediad at fwyd iach a fforddiadwy yn sylweddol – yn enwedig i’r rhai sy’n profi tlodi, anfantais neu wahaniaethu
• yn meddu ar gynlluniau cadarn i fesur effaith eich gwaith
• yn meddu ar gynlluniau cadarn i adrodd stori eich prosiect i ysbrydoli eraill
• yn dangos sut y byddwch yn cynnwys cymunedau a mudiadau sy'n cynrychioli cymunedau yn eich prosiect mewn ffordd ystyrlon

Am ragor o fanylion, gweler y meini prawf y mae'n rhaid i'ch prosiect eu bodloni.

Faint gallwch chi ymgeisio amdano

Gallwch wneud cais am isafswm o £2.5 miliwn dros 3 blynedd.

Bydd y rhan fwyaf o'r prosiectau a ariannwn yn:

• derbyn rhwng £3 miliwn ac £5 miliwn
• rhedeg am rhwng 5 a 7 blynedd

Rydym yn disgwyl ariannu hyd at 10 prosiect yn y flwyddyn gyntaf.