Neidio i'r prif gynnwys

Croeso i’n gwefan newydd. Efallai y byddwch yn gweld rhai tudalennau o’n hen wefan wrth i ni symud pethau draw.

Ar beth gallwch chi wario'r arian

Yr hyn y gallwn ei ariannu

Gallwch wneud cais am ariannu i dalu am bethau fel: 

  • costau staff, gan gynnwys gweithwyr sesiynol

  • costau sy'n eich helpu i gefnogi cymunedau a mudiadau partner llai

  • unrhyw beth sy'n cefnogi gweithio mewn partneriaeth effeithiol – fel costau cyfarfodydd partneriaeth, gweinyddiaeth a rheolaeth

  • datblygu sefydliadol megis hyfforddi staff, gwella llywodraethu, uwchraddio TG neu rannu dysgu

  • cludiant

  • cyfleustodau a chostau rhedeg

  • treuliau gwirfoddolwyr

  • dysgu a gwerthuso

  • cyfarpar

  • costau cyfieithu ysgrifenedig neu gyfieithu ar y pryd, er enghraifft i gyflwyno eich prosiect yn Gymraeg

  • cyfraniadau at gostau cyffredinol – er y dylai'r rhain fod yn gymesur â chais eich prosiect. Dysgu mwy am adfer costau llawn

  • rhai costau cyfalaf 

Costau cyfalaf

Gallwn ariannu rhai costau cyfalaf, ond ni fyddwn yn ariannu prosiectau sydd ar gyfer costau cyfalaf yn unig. 

Er enghraifft, efallai y byddwn yn ariannu prynu neu brydlesu tir, adfer tir ac ymchwiliadau tir sy'n cynyddu hygyrchedd. Byddwn hefyd yn talu costau offer a chyfarpar. 

Mae'n annhebygol y byddwn yn ariannu costau cyfalaf ar gyfer adeiladau a'u hadfer, paneli solar na phwyntiau gwefru cerbydau trydan (EV). 

Os yw eich prosiect yn cynnwys costau cyfalaf, dylech gysylltu â ni i gael rhagor o arweiniad. 

Gweithgarwch gwleidyddol ac ymgyrchu

Gallwn ariannu rhywfaint o weithgarwch gwleidyddol ac ymgyrchu. Ond dim ond os: 

  • nad yw'r gweithgaredd yn wleidyddol. Mae hyn yn golygu bod yn rhaid iddo ymwneud â pholisi, arfer neu ddeddfwriaeth yn hytrach na gwrthwynebu neu gefnogi plaid wleidyddol.

  • bwriad y gweithgaredd yw helpu achos eich sefydliad a bod o fudd i'r cyhoedd neu gymdeithas. 

Ni fyddwn yn ariannu prosiectau lle mae gweithgareddau gwleidyddol yn brif bwrpas. Ond gallwn ariannu prosiectau sy'n ymwneud yn bennaf ag ymgyrchu. 

Yr hyn na allwn ei ariannu

Ni fyddwn yn ariannu: 

  • prosiectau lle mae ariannu yn mynd i un mudiad

  • gweithgareddau statudol

  • gweithgareddau sy'n disodli ariannu gan y llywodraeth

  • prosiectau cyfalaf sy'n gysylltiedig ag adnewyddu adeiladau, ôl-osod neu gynhyrchu ynni – fel gosod paneli solar

  • prosiectau cyfalaf yn unig

  • benthyciadau, gwaddolion neu log

  • talu rhywun arall i ysgrifennu'ch cais

  • gweithgareddau lle bydd elw yn cael ei ddosbarthu er elw preifat

  • gweithgareddau codi arian

  • TAW adferadwy

  • alcohol

  • pethau yr ydych wedi gwario arian arnynt yn y gorffennol ac yn edrych i'w hawlio nawr (costau ôl-weithredol)

  • eitemau a fydd o fudd i unigolyn yn unig, yn hytrach na’r gymuned ehangach

  • gweithgareddau crefyddol (er y gallwn ariannu mudiadau crefyddol os yw eu prosiect o fudd i'r gymuned ehangach ac nid yw'n ymwneud â chynnwys crefyddol) 

Yr hyn sy'n annhebygol y byddwn yn ei ariannu

Mae'n annhebygol y byddwn yn ariannu prosiectau sydd: 

  • yn brosiectau un safle fel gerddi cymunedol neu randiroedd

  • dim ond yn darparu gwasanaethau fel banciau bwyd neu ailddosbarthu bwyd dros ben

  • yn methu dangos sut maen nhw'n mabwysiadu dull newid systemau hir dymor

  • yn buddio unigolyn – er enghraifft, fferm fasnachol unigol sy'n canolbwyntio ar wneud elw

  • yn cynnwys gwaith y dylai Llywodraeth leol neu genedlaethol ei ariannu

  • yn cynnwys gweithgareddau plaid wleidyddol neu waith sy'n anelu at ddylanwadu ar etholiadau

  • yn hyrwyddo barn neu agenda un mudiad neu grŵp

  • yn methu dangos sut y bydd eu gwaith yn effeithio'n gadarnhaol ar yr hinsawdd, natur na'r amgylchedd 

Ymrwymiadau rheoli cymorthdaliadau'r DU

Mae ein grantiau yn arian cyhoeddus. Os ydym yn eich ariannu, bydd angen i chi gydymffurfio ag ymrwymiadau rheoli cymorthdaliadau'r DU. 

Gweler arweiniad Llywodraeth y DU ar reoli cymorthdaliadau. Rydym yn argymell ceisio cyngor cyfreithiol os ydych yn ansicr.