Ein fframwaith cenadaethau llawn

Rydym yn defnyddio fframwaith nodau i arwain y prosiectau rydym yn eu hariannu. Mae pob nod yn nodi set o ganlyniadau rydym am eu gweld mewn cymunedau. 

Mae rhai canlyniadau yn berthnasol i fwy nag un nod. Mae hyn yn golygu y gall eich prosiect gyfrannu i fwy nag un nod ar yr un pryd – hyd yn oed os ydych yn canolbwyntio ar rai canlyniadau’n unig. 

Er enghraifft: 

• os yw eich prosiect yn helpu pobl ifanc i feithrin cysylltiadau cymunedol cryf, gall gyfrannu i’r nod ‘Plant a phobl ifanc yn ffynnu’ a’r nod ‘Cymunedau yn dod ynghyd’.
• os yw eich gwaith yn gwella mynediad i fannau gwyrdd lleol, mae’n cefnogi’r nod ‘Cymunedau yn gynaliadwy’n amgylcheddol’ – ac yn cyfrannu tuag at ‘Cymunedau yn iachach’ a ‘Cymunedau yn dod ynghyd’

Nod 1:Cymunedau yn dod ynghyd 

I bawb, yn canolbwyntio fwyaf ar y rhai sy’n profi tlodi, anfantais a gwahaniaethau – a’r croestoriad rhyngddynt. 

1. Mae gan gymunedau lefydd a gweithgareddau cynhwysol (ffisegol a rhithiol) sy’n dod â phobl o bob cefndir ynghyd
2. Mae pobl wedi eu grymuso ac yn gwneud gwahaniaeth cadarnhaol i’w cymunedau
3. Mae pobl yn teimlo ymdeimlad o ddiogelwch, perthyn ac ymddiriedaeth mewn pobl eraill yn eu hardal leol
4. Mae gan bobl berthnasoedd a chysylltiadau cadarnhaol 

Mae rhai o’r canlyniadau hyn yn berthnasol i nodau eraill: 

• mae’r pedair nod hefyd yn cyfrannu tuag at ‘Plant a phobl ifanc yn ffynnu’
• mae’r canlyniad cyntaf a’r pedwerydd hefyd yn cyfrannu tuag at ‘Cymunedau sy’n iachach’ 

Nod 2: Cymunedau yn helpu plant a phobl ifanc i ffynnu 

I fabanod, plant a phobl ifanc a’u teuluoedd, yn canolbwyntio fwyaf ar y rhai sy’n profi tlodi, anfantais a gwahaniaethau – a’r croestoriad rhyngddynt. 

1. Mae babanod a phlant o bob cefndir (a’u teuluoedd) yn cael y cymorth cymunedol sydd ei angen arnynt i gael dechrau da mewn bywyd
2. Mae plant a phobl ifanc yn datblygu sgiliau cymdeithasol ac emosiynol cadarnhaol
3. Mae gan blant a phobl ifanc oedolion y maen nhw’n ymddiried ynddynt yn eu cymuned i gael cymorth a chyngor ganddynt
4. Mae cymunedau’n cefnogi pob ifanc i wireddu eu potensial a ffynnu fel oedolion 

Mae rhai o’r canlyniadau hyn yn berthnasol i nodau eraill: 

• mae’r ddau ganlyniad cyntaf hefyd yn cyfrannu tuag at ‘Cymunedau sy’n iachach’
• mae’r trydydd canlyniad hefyd yn cyfrannu tuag at ‘Cymunedau yn dod ynghyd’ 

Nod 3: Cymunedau yn iachach 

I bawb, yn canolbwyntio fwyaf ar y rhai sy’n profi tlodi, anfantais a gwahaniaethau – a’r croestoriad rhyngddynt. 

1. Mae gan gymunedau lefydd a gweithgareddau cynhwysol (ffisegol a rhithiol), sy’n cefnogi iechyd a lles
2. Mae pobl wedi eu grymuso i wneud gwahaniaeth cadarnhaol i wasanaethau sy’n cefnogi iechyd a lles yn eu cymunedau
3. Mae iechyd corfforol a meddyliol a lles pobl yn cael eu cefnogi gan eu cymunedau
4. Mae cymunedau yn cyfrannu tuag at lai o anghydraddoldebau iechyd 

Mae rhai o’r canlyniadau hyn yn berthnasol i nodau eraill: 

• mae’r trydydd canlyniad hefyd yn cyfrannu tuag at ‘Cymunedau yn dod ynghyd’ a ‘Plant a phobl ifanc yn ffynnu’