Sut i wneud cais
Cyn i chi wneud cais
Gwyliwch ein fideo am Gronfa'r Deyrnas Unedig ar Youtube. Mae'n cynnwys awgrymiadau, enghreifftiau a rhestr wirio i'ch helpu gyda'ch cais.
Gallwch hefyd:Darllenwch y rhestr gyflawn o gwestiynau o'r ffurflen gais.
Sut i wneud cais
Os oes angen help arnoch gyda'ch cais
Os na allwch chi neu sefydliad partner lenwi'r ffurflen ar-lein, gallwn gynnig gwahanol ffyrdd o ddweud wrthym am eich prosiect:
fersiwn hawdd ei ddarllen o'r ffurflen gais a'r canllawiau
fersiwn PDF o'r ffurflen gais
rhannu fideo yn disgrifio eich syniad prosiect, yn hytrach na'i ddisgrifio mewn geiriau
fersiwn Iaith Arwyddion Prydain (BSL) o'r ffurflen gais a'r canllawiau
Cysylltwch â ni os oes gennych anghenion cymorth cyfathrebu.
Faint o arian allwch chi wneud cais amdano
Gallwch wneud cais am rhwng £500,000 a £5 miliwn
Gall y grant bara rhwng 2 a 10 mlynedd
Rydym yn disgwyl ariannu tua 20 o brosiectau bob blwyddyn
Beth i'w gynnwys yn eich cais
Yn y ffurflen gais, byddwn yn gofyn i chi:
beth rydych chi eisiau ei wneud a pham
sut mae eich syniad yn bodloni ein nodau ariannu
sut mae eich syniad yn bodloni'r meini prawf ariannu
beth rydych chi'n gobeithio ei ddysgu a sut y gallai'r dysgu hwnnw wneud gwahaniaeth
Ar gyfer pwy mae angen manylion cyswllt arnom
Byddwn yn gofyn am fanylion cyswllt, cyfeiriadau cartref a dyddiadau geni dau berson o'ch sefydliad. Rhaid i bob person gael cyfeiriad e-bost gwahanol a byw yn y DU:
dylai un fod y prif gyswllt ar gyfer eich prosiect, rhywun y gallwn siarad ag ef os oes gennym unrhyw gwestiynau
rhaid i'r llall fod yn uwch aelod o'ch sefydliad a fydd yn gyfreithiol gyfrifol am yr arian
Rhaid i'r ddau berson hyn beidio â bod:
yn briod neu mewn partneriaeth sifil
mewn perthynas hirdymor neu'n byw yn yr un cyfeiriad
yn perthyn trwy waed neu drwy bartner
Pa mor hir mae'n ei gymryd i gael penderfyniad?
Ar gyfartaledd, mae'n cymryd 9 mis i gael grant.
Mae 2 gam i'n proses ymgeisio. Gall gymryd:
hyd at 4 mis i gael eich penderfyniad yn y cam cyntaf, o’r adeg pan fyddwch yn cyflwyno'ch cais
hyd at 6 mis i anfon gwybodaeth ychwanegol atom a chael eich penderfyniad yn yr ail gam
Byddwn yn trafod yr amseriadau ar gyfer eich cais os byddwn yn mynd ag ef i'r ail gam.
Beth sy'n digwydd ar ôl i chi wneud cais
Byddwn yn adolygu eich cais
Efallai y byddwn yn cysylltu â chi i siarad am eich prosiect, neu i gael rhagor o wybodaeth. Oherwydd bod y gronfa hon yn hynod gystadleuol, byddwn ond yn gwahodd ceisiadau i'r cam nesaf os yw'ch cais yn cyd-fynd yn gryf â yr hyn yr ydym yn edrych i'w ariannu.
Ein nod yw rhoi gwybod i chi os ydym am fynd â'ch cais i'r ail gam
Byddwn yn rhoi gwybod i chi os ydych chi'n symud ymlaen i'r ail gam. Os nad ydych chi'n llwyddiannus, byddwn yn esbonio pam. Os byddwch yn llwyddiannus, byddwn yn anfon e-bost atoch i ofyn am wybodaeth fanylach am eich prosiect.
Byddwch yn anfon mwy o wybodaeth atom
Ar y cam hwn, byddwn yn gofyn am bethau fel gwybodaeth ariannol a chynnig prosiect manylach. Bydd gennych o leiaf 2 wythnos i anfon y wybodaeth hon atom. Bydd un o'n tîm yn adolygu'r hyn rydych chi'n ei anfon ac yn cysylltu â chi i ddysgu mwy am eich cynlluniau. Gall hyn gynnwys galwadau ffôn neu sgyrsiau e-bost.
Byddwn yn gwneud penderfyniad terfynol
Byddwn yn rhoi gwybod i chi a ydym yn mynd i ariannu eich cais ai peidio. Os na, byddwn yn rhoi adborth i chi yn esbonio pam.
Os ydych yn derbyn grant
Byddwn yn eich helpu i wneud y gorau o'ch grant. Mae hyn yn cynnwys:
dathlu eich llwyddiant
rhannu'r hyn rydych chi'n ei ddysgu gydag eraill
eich helpu i gysylltu â phrosiectau eraill a ariennir
Darllenwch am beth sy'n digwydd pan fyddwch chi'n cael grant.
Rydyn ni eisiau bod yn onest am ein terfynau ariannu
Dim ond swm cyfyngedig o arian sydd gennym, ac rydym yn cael llawer o geisiadau cryf. Mae hynny'n golygu bod yn rhaid i ni weithiau ddweud na, hyd yn oed i brosiectau addawol sy'n bodloni ein meini prawf ac sydd â photensial cryf.
I ddarganfod sut rydym yn defnyddio eich data personol
Gallwch ddarllen ein datganiad diogelu data.