Ein nodau ariannu

Er mwyn cael ei ystyried ar gyfer grant, rhaid i'ch prosiect fodloni un o'r nodau a restrir ar y dudalen hon a'r holl feini prawf a esbonnir ar y dudalen nesaf.

Rhaid i'ch prosiect gyflawni un o'n nodau

gwella perthnasoedd rhwng pobl â phrofiadau bywyd gwahanol

Er enghraifft, mae'n dod â phobl o wahanol gefndiroedd, cenedlaethau, neu lefydd at ei gilydd.

helpu pobl a chymunedau i gysylltu'n ystyrlon ar-lein pan mae'n anodd cwrdd wyneb yn wyneb

Gallai hyn fod oherwydd problemau iechyd, cysylltiadau trafnidiaeth gwael, neu oherwydd eu bod yn byw ymhell oddi wrth eraill sydd â phrofiadau neu hunaniaethau tebyg.

cefnogi pobl o bob cefndir i ddylanwadu ar ddyfodol eu cymunedau

Er enghraifft, trwy greu ffyrdd i bobl leol gael pŵer mewn penderfyniadau sy'n effeithio arnynt.

helpu plant a phobl ifanc sy'n wynebu heriau penodol i newid y systemau o'u cwmpas

Trwy wneud yn siŵr bod eu lleisiau yn cael eu clywed, ac yn gweithredu arnynt.

helpu mwy o sefydliadau i gynnwys a gwrando ar blant a phobl ifanc

Defnyddio'r hyn maen nhw'n ei ddweud i wneud gwasanaethau, systemau a chymunedau'n well.

Rydym yn croesawu prosiectau sy'n cael eu harwain gan ac ar gyfer pobl anabl.

Pan fyddwch chi'n gwneud cais, cofiwch

• rydych chi'n fwy tebygol o gael eich ariannu os ydych chi'n bodloni un nod yn dda iawn
• nid oes angen i chi fodloni'r holl nodau
• rydym yn annhebygol o ariannu prosiectau sy'n ceisio gwneud ychydig o bopeth

Ar ein blog, gallwch ddarllen enghreifftiau o brosiectau sy'n helpu plant a phobl ifanc i ddefnyddio eu llais.

Mae ein hamcanion yn adlewyrchu ein nodau a arweinir gan y gymuned. Dysgwch ragor am ein nodau a'n canlyniadau.