Pwy all wneud cais
Gall eich sefydliad wneud cais os yw'n un o'r canlynol:
- elusen gofrestredig
- cwmni cyfyngedig trwy warant (gyda chymal nid-er-elw neu wedi'i gofrestru fel elusen)
- cwmni buddiannau cymunedol (CIC)
- sefydliad corfforedig elusennol (CIO)
- cymdeithas budd cymunedol
- cymdeithas gydweithredol (gyda chymal nid-er-elw ac wedi'i chofrestru gyda'r Awdurdod Ymddygiad Ariannol)
- corff statudol (megis tref, plwyf neu gyngor cymuned)
- awdurdodau lleol
- prifysgolion
Gallwch hefyd wneud cais fel partneriaeth o sefydliadau. Rhaid i unrhyw bartneriaid a fydd yn derbyn arian fod yn un o'r mathau a restrir uchod.
Os oes angen clo asedau ar eich sefydliad
Rhaid i rai sefydliadau gael clo asedau. Mae hyn yn golygu bod gennych reolau sy'n atal eich asedau rhag cael eu gwerthu neu eu defnyddio er budd preifat.
Rhaid i chi gael clo asedau os ydych chi’n:
- CIC
- cwmni cyfyngedig trwy warant nad yw'n elusen gofrestredig
- cymdeithas budd cymunedol
- cymdeithas gydweithredol
Gallwch ddarllen mwy yng nghanllaw y llywodraeth i gloeon asedau ar gyfer CICs.
Rhaid i'ch sefydliad gael o leiaf 2 aelod bwrdd neu bwyllgor nad ydynt yn gysylltiedig
Mae hyn yn golygu na ddylent fod:
- yn briod neu mewn partneriaeth sifil
- mewn perthynas hirdymor neu'n byw yn yr un cyfeiriad
- yn perthyn trwy waed neu drwy bartner
Os ydych chi'n gwmni, gan gynnwys un sydd hefyd yn elusen gofrestredig, rhaid i chi gael o leiaf 2 gyfarwyddwr nad ydynt yn gysylltiedig yn unrhyw un o'r ffyrdd hyn.
Os oes gennych grant gennym ni yn barod
Gallwch wneud cais o hyd. Byddwn yn edrych ar sut y byddai'r grant hwn yn gweithio ochr yn ochr â'ch grant arall pan fyddwn yn asesu eich cais.