Ar beth y gallwch chi wario'r arian

Gallwch wario'r arian ar:

costau staff, gan gynnwys gweithwyr sesiynol
datblygu sefydliadol fel hyfforddi staff, gwella llywodraethu, uwchraddio TG neu rannu dysgu
trafnidiaeth
cyfleustodau a chostau rhedeg
treuliau gwirfoddoli
dysgu a gwerthuso
cyfarpar
costau cyfalaf – er y dylai'r rhain fod yn rhan fach o'ch cais am grant
costau cyfieithu neu gyfieithu ar y pryd, er enghraifft i gyflawni eich prosiect yn Gymraeg

Gallwn ariannu rhywfaint o weithgarwch gwleidyddol ac ymgyrchu. Ond dim ond os:

nad yw'r gweithgaredd yn wleidyddol. Mae hyn yn golygu bod yn rhaid iddo ymwneud â pholisi, arfer neu ddeddfwriaeth yn hytrach na gwrthwynebu neu gefnogi plaid wleidyddol
bwriad y gweithgaredd yw helpu achos eich sefydliad a bod o fudd i'r cyhoedd neu gymdeithas

Ni fyddwn yn ariannu prosiectau lle mae gweithgareddau gwleidyddol yn brif bwrpas. Ond gallwn ariannu prosiectau sy'n ymwneud yn bennaf ag ymgyrchu.

gweithgareddau statudol a gweithgareddau sy'n disodli arian y llywodraeth
prosiectau cyfalaf neu adeiladu mawr
benthyciadau, gwaddol neu log
talu rhywun arall i ysgrifennu eich cais
gweithgareddau lle bydd elw yn cael ei ddosbarthu er budd preifat
gweithgareddau codi arian
TAW y gallwch ei adennill
alcohol
pethau rydych chi wedi gwario arian arnynt yn y gorffennol ac yn edrych i'w hawlio nawr (costau ôl-weithredol)
eitemau a fydd o fudd i unigolyn yn unig, yn hytrach na'r gymuned ehangach
gweithgareddau crefyddol (gallwn ariannu sefydliadau crefyddol os yw eu prosiect o fudd i'r gymuned ehangach ac nad yw'n cynnwys cynnwys crefyddol)

Daw ein grantiau o gronfeydd cyhoeddus a gofynnir i geisiadau llwyddiannus gydymffurfio ag ymrwymiadau rheoli cymhorthdaliadau rhyngwladol y DU a restrir ar wefan GOV.UK. Dylech geisio cyngor cyfreithiol annibynnol os oes angen mwy o arweiniad arnoch.

Os mai Cymru yw un o'r gwledydd y byddwch chi'n gweithio ynddi, bydd angen i chi ddarparu eich gwasanaethau yn ddwyieithog (yn Gymraeg a Saesneg). Mae hyn yn rhan o'n telerau grant; cofiwch gynnwys y costau yn eich cyllideb. Darllenwch ein canllawiau ar reoli eich prosiect yn ddwyieithog (PDF, 127 KB).