Cronfa'r Deyrnas Unedig

Mae Cronfa'r Deyrnas Unedig yn cynnig symiau mwy o arian i'ch helpu i ddatblygu gwaith sydd eisoes yn gwneud gwahaniaeth. I gael grant bydd angen i chi ddangos beth sy'n gweithio, sut rydych chi'n gwybod ei fod yn cael effaith brofedig, a pham ei fod yn barod i ehangu. Nid ydym yn ariannu prosiectau neu wasanaethau newydd sbon. Dylai eich gwaith hefyd fod o fudd i gymunedau ledled y DU, trwy weithio mewn gwahanol lefydd neu rannu dysgu rhwng gwledydd.

Dylai eich prosiect fynd y tu hwnt i ddarparu gwasanaeth. Dylai helpu newid sut mae systemau'n gweithio, gan arwain at fuddion parhaol i gymunedau.

Rhaid i bob prosiect fodloni un o'r nodau hyn

Rhaid i'ch prosiect fodloni un o'r nodau canlynol yn glir:

• gwella perthnasoedd rhwng pobl sydd â phrofiadau bywyd gwahanol
• helpu pobl a chymunedau i gysylltu'n ystyrlon ar-lein pan mae'n anodd cwrdd wyneb yn wyneb
• cefnogi pobl o bob cefndir i ddylanwadu ar ddyfodol eu cymunedau
• helpu plant a phobl ifanc sy'n wynebu heriau penodol i newid y systemau sy'n effeithio arnynt
• helpu mwy o sefydliadau i gynnwys a gwrando ar blant a phobl ifanc

Rhaid i'ch prosiect hefyd fodloni'r holl feini prawf a restrir yn ‘Meini prawf y mae'n rhaid i'ch prosiect eu bodloni’.

Rydym yn croesawu prosiectau sy'n cael eu harwain gan ac ar gyfer pobl anabl.

Gwyliwch ein crynodeb fideo byr o Gronfa’r Deyrnas Unedig (YouTube).