Neidio i'r prif gynnwys

Pwy all wneud cais

Sefydliadau sy'n gweithio mewn partneriaeth

Byddwn ond yn ariannu prosiectau lle mae partneriaeth o sefydliadau yn gweithio gyda'i gilydd i gynllunio a chyflawni prosiect.

Gyda'i gilydd, bydd gan eich partneriaeth yr arbenigedd a phrofiad cywir i baratoi a chefnogi pobl ifanc ar gyfer gyrfaoedd gwyrdd. Mae hyn yn cynnwys eu helpu i:

  • ddatblygu hyder a sgiliau emosiynol

  • ennill profiad gwaith

  • fynd ar leoliadau gwaith

Gall sefydliadau perthnasol gynnwys y rheiny sy’n arbenigo mewn:

  • cefnogi pobl ifanc o gymunedau lleiafrifiedig ethnig

  • lleoliadau gwaith cyflogaeth

  • hyfforddiant a datblygu sgiliau. Gallai hyn gynnwys cymwysterau ffurfiol a chefnogaeth i ddatblygu eu hyder a sgiliau emosiynol

  • cyflogwyr sy'n cynnig swyddi gwyrdd

Byddwn hefyd yn chwilio am sefydliadau sy'n:

  • meithrin cysylltiadau da gyda'r gymuned gyda gwasanaethau a chyflogwyr eraill

  • gweithio yn yr economi werdd ac y mae ganddynt wybodaeth arbenigol

  • yn gallu ymgymryd ag ymchwil a gwerthuso eich prosiect

  • profiad o farchnata, cyfathrebu, llunio polisïau a dylanwadu

  • darparu gwasanaethau arbenigol a fyddai'n ategu neu gefnogi eich prosiect fel gwasanaethau iechyd meddwl, tai a gwasanaethau prawf

Croesewir sefydliadau partner o bob sector a gallant fod yn sefydliadau sy'n gweithio'n lleol, yn rhanbarthol neu ledled Cymru.

Eich sefydliad arweiniol

Bydd angen i chi gael un sefydliad arweiniol sy'n cyflwyno'r cais ar ran y bartneriaeth. Rhaid iddynt fod wedi eu lleoli yn y Deyrnas Unedig ac yn:

  • elusen gofrestredig

  • sefydliad gwirfoddol neu gymunedol

  • sefydliad corfforedig elusennol (CIO)

  • cymdeithas gydweithredol (os oes ganddi gymal nid-er-elw)

  • cwmni cyfyngedig trwy warant (os oes ganddo gymal nid-er-elw) cwmni buddiannau cymunedol (CIC) cymdeithas budd cymunedol

Os byddwn yn penderfynu ariannu eich prosiect, bydd y sefydliad arweiniol yn:

  • brif gyswllt i ni

  • sicrhau bod y prosiect a'i bartneriaid yn bodloni ein telerau ac amodau grant

  • darparu diweddariadau cynnydd

  • gweithio gyda ni ar unrhyw faterion yn ymwneud â'r prosiect

  • derbyn taliad ar ran y bartneriaeth

Mae angen o leiaf 3 aelod o'r bwrdd neu'r pwyllgor sy'n 18 oed neu'n hŷn ac nad ydynt yn gysylltiedig.

Gall hyn olygu:

  • perthyn trwy briodas

  • mewn partneriaeth sifil â'i gilydd

  • mewn perthynas hirdymor â'i gilydd

  • yn perthyn trwy bartner hirdymor

  • yn byw gyda'i gilydd yn yr un cyfeiriad

  • yn perthyn trwy waed

Rhaid i bob cwmni sy'n gwneud cais gael o leiaf dri chyfarwyddwr nad ydynt yn gysylltiedig yn unrhyw un o'r ffyrdd hyn. Mae hyn yn berthnasol i gwmnïau sydd hefyd wedi'u cofrestru fel elusennau.

Cytundeb partneriaeth

Rydym yn gofyn am gytundebau partneriaeth gan y rhai a fydd yn helpu i reoli'r prosiect neu'n defnyddio ein grant i gyflawni'r prosiect.

Gallwch ddefnyddio ein templed cytundeb partneriaeth (PDF, 224 KB).

Rhaid i chi hefyd ddweud wrthym am sefydliadau eraill a allai fod yn cymryd rhan mewn ffyrdd eraill fel sefydliadau y gallwch eu cyfeirio atynt neu dderbyn atgyfeiriadau wrthynt.

Pwy na all wneud cais

Ni allwn dderbyn ceisiadau pan fo'r prif ymgeisydd yn:

  • unigolyn neu unig fasnachwr

  • grŵp sy'n gwneud elw

  • gwneud cais ar ran sefydliad arall

  • sefydliad nad sydd wedi cael ei sefydlu yn y Deyrnas Unedig