Neidio i'r prif gynnwys

Camau Cynaliadwy Cymru - Gyrfaoedd Gwyrdd - Caerdydd

  • Lleoliad y prosiect: Cymru
  • Swm: £300 i £1,800,000
  • Penderfyniad mewn: 0 wythnos
  • Statws y rhaglen: Yn agored i geisiadau

Mae'r gronfa yn anelu i helpu pobl ifanc (rhwng 16 a 25 mlwydd oed) yng Nghaerdydd mewn i yrfaoedd gwyrdd.

Beth a olygwn wrth yrfaoedd gwyrdd

Wrth yrfaoedd gwyrdd, rydym yn golygu gyrfaoedd sy'n:

  • lleihau allyriadau carbon

  • adfer byd natur

  • ein helpu i addasu i'n hinsawdd newidiol

Gall enghreifftiau o yrfaoedd gwyrdd fod yn unrhyw beth o gynorthwyydd gweinyddol i ymgynghorydd amgylcheddol, i gogydd mewn caffi diwastraff, neu beiriannydd dan hyfforddiant gyda chwmni ynni adnewyddadwy.

Sut rydym eisiau helpu pobl ifanc

Rydym yn ariannu prosiectau sy'n helpu pobl ifanc i:

  • ddatblygu eu hyder

  • dysgu sgiliau newydd - gall hyn gynnwys sgiliau cymdeithasol a thechnegol cael profiad gwaith a lleoliadau a all arwain at gyfleoedd tymor hir

Rydym eisiau ariannu prosiectau sy'n canolbwyntio ar gefnogi pobl ifanc o gymunedau lleiafrifiedig ethnig yng Nghaerdydd.

Beth rydyn ni'n ei olygu wrth gymunedau lleiafrifiedig ethnig

Mae cymunedau lleiafrifiedig ethnig yn cynnwys, ond heb fod yn gyfyngedig, i'r grwpiau canlynol:

  • Du / Affricanaidd / Caribïaidd

  • unrhyw gefndir ethnig cymysg/lluosog arall

  • Asiaidd

  • Arabaidd

  • Iddewig

Rydym hefyd yn cynnwys:

  • Sipsiwn

  • Roma

  • Teithwyr

  • pobl sydd â statws ffoaduriaid neu geiswyr lloches

Gallwch ddarganfod mwy am geiswyr lloches a'u caniatâd i weithio a gwirfoddoli ar wefan GOV.UK

Ein nodau ariannu

Ein nod yw annog amrywiaeth mewn gyrfaoedd gwyrdd drwy gynnig help llaw i'r grwpiau hyn sydd wedi eu tangynrychioli.

I dderbyn grant, rhaid i chi weithio mewn partneriaeth gydag un neu fwy o sefydliadau eraill Gallwn eich helpu i gysylltu gyda sefydliadau eraill sydd â diddordeb.

Pa grantiau sydd ar gael ac am ba hyd

Gallwch wneud cais am:

  • grant datblygu: £300 i £25,000 i ddatblygu eich cynllun neu syniad prosiect ar gyfer cefnogi pobl ifanc o gymunedau lleiafrifiedig ethnig mewn i yrfaoedd gwyrdd

  • grant prosiect: £100,000 i £1,800,000 i gyflawni eich syniad neu gynllun

Ni allwch dderbyn grant prosiect heb dderbyn grant datblygu wrthym yn gyntaf.

Os byddwn eisiau i chi gyflawni eich syniad prosiect ar ôl ei ddatblygu, byddwn yn eich gwahodd i wneud cais am grant prosiect.

Gallwn ariannu prosiect am 3 blynedd ac rydym yn cynllunio i wobrwyo unwaith.