Camau Cynaliadwy Cymru - Grantiau Egin
- Lleoliad y prosiect: Cymru
- Swm: £100 i £15,000
- Penderfyniad mewn: 4 wythnos
- Statws y rhaglen: Yn agored i geisiadau
Mae'r grant hwn yn cefnogi grwpiau cymunedol yng Nghymru sy'n gweithredu ar newid yn yr hinsawdd ac sy'n anelu at fyw'n fwy cynaliadwy neu eu helpu i roi hwb i'w syniadau.
I wneud cais, rhaid i'ch grŵp fod wedi derbyn cefnogaeth gan raglen fentora Egin.
Prif nod eich prosiect ddylai fod helpu eich cymuned i ymgysylltu â newid yn yr hinsawdd a chymryd camau i fyw'n fwy cynaliadwy.
Ein nod yw ariannu grwpiau sy'n ystyried effaith eu gweithgareddau ar natur a, lle bo'n bosibl, cyfyngu ar unrhyw arferion a allai fod yn niweidiol.
Mae gennym ddiddordeb hefyd mewn manteision eraill y gallai eich prosiect eu cynnig. Gallai'r rhain gynnwys:
- gwella lles pobl
- gwella perthnasoedd rhwng pobl a sefydliadau
- gwella bioamrywiaeth
Rydym eisiau ariannu sefydliadau sy'n agored i ddysgu ac yn bwriadu rhannu'r hyn maen nhw wedi'i ddysgu gydag eraill.
