Cefnogaeth i ddeiliaid grant Meithrin Natur

Rydym yn chwilio am sefydliad neu bartneriaeth i gefnogi prosiectau yng Nghymru a ariennir gan Meithrin Natur.

Os ydych yn llwyddiannus, byddwch yn darparu cefnogaeth i sefydliadau sy’n derbyn y Grant Datblygu ac yn nes ymlaen grant yng ngham 2. Byddwn yn eich cysylltu â’r prosiectau sydd angen cefnogaeth.

Mae’n rhaid i chi ddeall sut mae’r amgylchedd naturiol yn gallu cefnogi iechyd a lles plant.

Wrth amgylchedd naturiol, rydym yn golygu rhoi profiadau cadarnhaol ac ystyrlon gyda byd natur a mannau awyr agored. Fel parciau, afonydd neu goedwigoedd. Mae'n ymwneud â'u helpu nhw i gael mynediad at fyd natur a'r mannau hyn, rhyngweithio â nhw a dysgu gofalu amdanynt.

Y profiad sy’n angenrheidiol i ymgeisio

Rhaid i'ch sefydliad neu bartneriaeth:

• weithio gyda plant dan 5 mlwydd oed
• weithio gyda natur a'r amgylchedd
• weithio gydag iechyd a lles
• defnyddio arferion diogelu, yn enwedig ar gyfer plant dan 5 mlwydd oed

Rhaid bod gennych hefyd brofiad o helpu sefydliadau eraill gyda:

• meithrin capasiti. Byddwn ni eisiau gwybod sut rydych chi wedi helpu i wella hyder a sgiliau mewn sefydliadau eraill
• cyd-gynhyrchu gyda phlant dan 5 oed a'u gofalwyr. Mae cyd-gynhyrchu yn golygu sut rydych chi wedi dylunio prosiectau neu wasanaethau gyda'r bobl sy'n cael eu cefnogi ganddyn nhw
• dylunio a gofalu am fannau awyr agored sy'n fuddiol i bobl a natur
• gwerthuso a rhannu eu dysgu
• gweithio mewn partneriaethau
• gweithio'n ddwyieithog yn y Gymraeg a'r Saesneg
• gweithio ledled Cymru

Yr hyn rydyn ni’n ei olygu wrth blant a gofalwyr

Pan rydyn ni’n dweud plant a gofalwyr, mae hyn yn cynnwys:

• babanod a phlant dan 5 mlwydd oed
• rhieni sy’n feichiog
• teulu, gofalwyr maeth, gofalwyr sy’n cael eu talu neu ofalwyr di-dâl

Faint allwch chi ymgeisio amdano

Gallwch ymgeisio am hyd at £1 miliwn i gyflawni eich prosiect, dros saith mlynedd.

Y dyddiad cau terfynol ar gyfer ymgeisio yw 30 Hydref 2025. Byddwn yn rhoi gwybod am ein penderfyniad yn gynnar yn 2026.