Neidio i'r prif gynnwys

Croeso i’n gwefan newydd. Efallai y byddwch yn gweld rhai tudalennau o’n hen wefan wrth i ni symud pethau draw.

Beth allwch chi wario’r arian arno

Gallwn ariannu

Gallwn ariannu costau prosiect uniongyrchol, fel:

  • costau rhedeg
  • offer
  • digwyddiadau untro
  • costau staff
  • hyfforddi
  • cludiant
  • treuliau gwirfoddolwyr

Gallwn hefyd ariannu rhai costau prosiect anuniongyrchol (gelwir y rhain weithiau yn gostau cyffredinol). Gallai hyn gynnwys:

  • rhent neu yswiriant
  • rhan o gyflog rhywun and ydynt yn gweithio’n uniongyrchol ar y prosiect, fel uwch reolwr neu weithiwr gweinyddol

Er enghraifft, os yw’r prosiect rydych yn gwneud cais amdano yn gyfystyr a hanner gwaith eich sefydliad, efallai y byddwn yn ariannu hanner eich costau cyffredinol. Weithiau gelwir hyn yn adferiad cost llawn. Dysgwch sut i gyfrifo costau cyffredinol yn ein canllaw i adferiad cost llawn.

Weithiau gelwir hyn yn adferiad cost llawn. Dysgwch sut i gyfrifo costau cyffredinol yn ein canllaw i adferiad cost llawn.

Gweithgareddau ac ymgyrchoedd gwleidyddol

Gallwn ariannu rhai gweithgareddau ac ymgyrchoedd gwleidyddol ond dim ond dan rai amgylchiadau.

Mae’n rhaid i’ch prosiect:

  • beidio â bod ynglŷn â phlaid wleidyddol. Dylai ganolbwyntio ar bolisi, arfer neu ddeddfwriaeth yn hytrach na gwrthwynebu neu gefnogi plaid wleidyddol
  • gefnogi diben eich sefydliad a bod o fudd i'r cyhoedd neu gymdeithas

Ni allwn ariannu

Ni allwn ariannu:

  • costau ôl-weithredol (costau am bethau sydd eisoes wedi digwydd, neu rydych chi eisoes wedi talu amdanynt)
  • alcohol
  • costau wrth gefn, benthyciadau, gwaddolion neu log
  • talu rhywun arall i ysgrifennu eich cais ar eich rhan
  • gweithgareddau codi arian (lle rydych chi'n defnyddio ein harian i godi mwy o arian)
  • treth ar werth (TAW) y gallwch ei hawlio'n ôl
  • gweithgareddau crefyddol (gallwn ariannu sefydliadau crefyddol os yw eu prosiect o fudd i'r gymuned ehangach ac nad yw'n cynnwys cynnwys crefyddol)
  • gweithgareddau y mae'n ofynnol yn gyfreithiol i gyrff statudol neu gyhoeddus eu gwneud
  • gweithgareddau sy'n helpu plant neu bobl ifanc gyda'u gwaith ysgol yn ystod amser ysgol
  • teithio dramor
  • prosiectau sy'n digwydd y tu allan i'r DU
  • gweithgareddau sy'n gwneud elw er budd preifat
  • arian parod a fydd yn cael ei roi'n uniongyrchol i unigolion

Cael help gyda’ch ffurflen gais

Peidiwch â defnyddio busnesau preifat, ysgrifenwyr ceisiadau nac ymgynghorwyr i ysgrifennu eich cais. Ni fyddwn yn eu derbyn. Nid oes unrhyw un wedi ei awdurdodi i weithredu ar eich rhan neu hawlio eu bod yn gyflenwr dewisol.

  • Os ydych chi’n ansicr ynglŷn ag unrhyw beth yn y ffurflen gais, cysylltwch â ni.
  • Gallwch hefyd gael help gan sefydliadau cymorth yr ymddiriedir ynddynt, fel eich awdurdod lleol neu Gyngor Gwirfoddol Sirol (CVC). Gallant roi cymorth a chyngor i chi ar ysgrifennu eich cais.