Ar beth y gallwch chi wario’r arian
Yr hyn y gallwn ei ariannu i’ch helpu i ddatblygu eich syniad (cam 1)
Rydym yn cynnig grant datblygu o £300 hyd at £25,000. Bydd hyn yn helpu partneriaethau i ddatblygu eu syniadau ymhellach.
Rydym yn ariannu cefnogaeth ystyriol, o ansawdd uchel i bobl ifanc dros nifer o flynyddoedd. Credwn y bydd angen amser ar ymgeiswyr i ystyried y ffordd fwyaf effeithiol o gyflawni hynny.
Gallai’r cyllid hwn dalu am bethau fel:
- amser staff
- mwy o sesiynau ymgysylltu gyda phobl ifanc ac eraill yn y gymuned
- cynnal cyfarfodydd partneriaeth.
Byddwn yn eich talu ymlaen llaw, ar ôl i chi dderbyn ein telerau ac amodau.
Pa gostau prosiect y gallwn eu hariannu (cam 2)
Gallwn ariannu prosiectau a fydd yn rhedeg am tua 5 mlynedd. Gallwn ariannu rhan o'ch prosiect neu'ch prosiect cyfan. Rydym yn croesawu amrywiaeth o geisiadau a all amrywio o ran nifer y bobl ifanc i’w cefnogi, yr ardal ddaearyddol a’r swm y gofynnir amdano.
Os gwahoddir eich partneriaeth i ymgeisio ar gyfer cam dau, byddwn yn gofyn i chi ddweud wrthym beth yw costau eich prosiect. Gall y costau hyn gynnwys:
- costau hyfforddiant neu leoliad gwaith pobl ifanc – anogwn i bob sefydliad dalu’r cyflog byw gwirioneddol
- treuliau i bobl ifanc deithio i’r gweithle ac yn ôl neu hyfforddiant ac eitemau o ddillad nad ydynt fel arfer yn cael eu darparu gan y cyflogwr
- hyfforddiant i staff a chyflogwyr
- talu am staff prosiect fel cymorth hyfforddwr swydd
- gorbenion
- meddalwedd a seilwaith gwefannau
- marchnata a chyfathrebu
- eitemau bach o gyfarpar, fel cyfrifiaduron
- costau monitro a gwerthuso
- cyfieithu Cymraeg
- ffioedd proffesiynol a chyfreithiol
- cerbydau trydan – darllenwch ein canllawiau cerbydau trydan am ragor o wybodaeth.
Efallai y bydd cyllid ar gael ar gyfer rhai costau drwy'r cynllun Mynediad i Waith
Efallai y bydd y Cynllun Mynediad i Waith yn gallu cynnig cymorth penodol ar gyfer lleoliadau gwaith rhai pobl ifanc. Yn yr achos hwn, byddem yn disgwyl i’r person ifanc ymgeisio i’r cynllun hwnnw am gyllid yn gyntaf, gyda chymorth y cyflogwr neu’r hyfforddwr swydd. Os caiff eu cais ei wrthod neu os oes angen cymorth manylach, efallai y byddwn yn ystyried ei ariannu. Mae cyngor ar gael yma ar wefan Mynediad i Waith Llywodraeth y DU.
Ni allwn ariannu:
- costau i gefnogi pobl ifanc sydd eisoes yn cymryd rhan mewn rhaglenni cyflogaeth eraill
- alcohol
- gwneud elw
- TAW y gellir ei hadennill
- gweithgareddau sy’n disodli cyllid y llywodraeth. Cyn i chi ymgeisio, dylech ymchwilio i ba gymorth sydd eisoes ar gael.
- gweithgareddau gwleidyddol neu grefyddol
- talu rhywun arall i ysgrifennu eich cais.