Neidio i'r prif gynnwys

Croeso i’n gwefan newydd. Efallai y byddwch yn gweld rhai tudalennau o’n hen wefan wrth i ni symud pethau draw.

Gofynion ar gyfer defnyddio ein logo

Sut i arddangos ein logo

Rhaid i chi ddefnyddio ein logo i ddangos bod chwaraewyr y Loteri Genedlaethol wedi cefnogi eich prosiect. Dylech roi'r logo yn rhywle gweladwy. Er enghraifft, gallwch ei arddangos ar:

  • wal yn eich swyddfa
  • eich gwefan
  • darn o offer  

Gadael lle o amgylch y logo

Dylech adael lle o amgylch ein logo fel ei fod yn hawdd ei ddarllen. Rhaid i'r gofod fod o leiaf hanner uchder y symbol bysedd croes yn y logo. 

O ran isafswm maint, mae hyn yn 7mm mewn print neu 20 picsel ar y sgrin.

Peidiwch â gosod testun, delweddau neu logos eraill yn rhy agos ato.

Dylai logo Cronfa Gymunedol y Loteri Genedlaethol yn Gymraeg sy'n dangos y gofod o amgylch y logo fod o leiaf hanner uchder y symbol bysedd croes

Peidiwch â newid ein logo

Ni ddylech newid ein logo. Er enghraifft, rhaid i chi beidio â gwneud y canlynol:

  • ei ymestyn, ei gylchdroi neu ei addasu
  • newid y lliwiau
  • ychwanegu effeithiau fel cysgodion neu amlinelliadau
  • ychwanegu geiriau ychwanegol fel disgrifiad neu arwyddair
  • ei osod ar gefndir prysur neu gefndir cyferbyniad isel

Gofynion maint lleiaf ar gyfer ein logo

I wneud yn siŵr bod ein logo yn glir, rhaid i chi ddefnyddio'r mesuriadau lleiaf hyn.

Isafswm maint ar gyfer ein logo yn Gymraeg

  • Ar gyfer defnydd print, o leiaf 44mm o led a 24mm o uchder
  • Ar gyfer defnydd digidol, o leiaf 125 picsel o led a 68 picsel o uchder

Maint lleiaf gan gynnwys gofod o amgylch y logo:

  • Ar gyfer defnydd print, o leiaf 58mm o led wrth 38mm o uchder
  • Ar gyfer defnydd digidol, o leiaf 165 picsel o led wrth 108 picsel o uchder

Dewis y math o ffeil cywir ar gyfer ein logo

Defnyddio ein logo ar lwyfannau digidol

Defnyddiwch fath o ffeil PNG ar gyfer y logo ar lwyfannau digidol fel:

  • gwefannau
  • y cyfryngau cymdeithasol
  • dogfennau Word
  • cyflwyniadau PowerPoint

Defnyddio ein logo ar gyfer dogfennau print

Defnyddiwch fath o ffeil JPG neu PNG ar gyfer dogfennau print fel posteri neu daflenni.

Defnyddio ein logo ar gyfer dylunio proffesiynol

Defnyddiwch y math o ffeil fector EPS os ydych chi'n gweithio gyda dylunydd proffesiynol.

Defnyddio'r lliw logo cywir

Defnyddiwch y logo lliw llawn pryd bynnag y gallwch. Os yw'r cefndir yn ei gwneud hi'n anodd gweld y logo yn glir, gallwch ddefnyddio ein:

  • logo du ar gefndiroedd golau
  • logo gwyn ar gefndiroedd tywyll

Lawrlwythwch ein logo

Os oes angen help arnoch gyda defnyddio ein logo, e-bostiwch branding@tnlcommunityfund.org.uk.