Sut rydyn ni’n defnyddio arian asedau segur
Un o’r ffyrdd y mae Cronfa Gymunedol y Loteri Genedlaethol yn dosbarthu arian yw trwy rywbeth o’r enw Cynllun Asedau Segur.
Nid yw arian asedau segur yn dod o werthiant tocynnau’r Loteri Genedlaethol.
Mae’r cynllun yn caniatáu i ni gefnogi cymunedau ac achosion da ledled y DU gydag asedau ariannol nas defnyddiwyd.
Ynglŷn â’r Cynllun Asedau Segur
O dan Gynllun Asedau Segur Llywodraeth y DU, rydym yn dosbarthu arian gan ddefnyddio asedau ariannol coll neu anghofiedig, fel hen gyfrifon banc.
Os na ellir aduno’r asedau hyn â’u perchnogion, rydym yn dosbarthu rhywfaint o’r arian i achosion cymdeithasol ac amgylcheddol.
Mae yna bwerau cyfreithiol penodol sy’n caniatáu inni wneud hyn. Rhain yw:
Deddf Cyfrifon Banc a Chymdeithasau Adeiladu Asedau Segur (2008)
Deddf Asedau Segur 2022, wnaeth ddatblygu ar Ddeddf 2008
O dan y ddeddfwriaeth hon, gall sefydliadau’n sy’n delio ag asedau ariannol drosglwyddo arian o gyfrifon nad ydynt wedi’u defnyddio ers amser maith i Reclaim Fund Ltd.
Y sefydliadau sy’n gallu gwneud hyn yw:
banciau
cymdeithasau adeiladu
cwmnïau yswiriant
darparwyr pensiwn
gwasanaethau rheoli cyfoeth
darparwyr gwarantau
Mae Reclaim Fund Ltd yn cadw rhywfaint o’r arian o’r neilltu rhag ofn bod rhywun yn ei hawlio. Caiff gweddill y gwarged ei drosglwyddo atom ni, ac rydyn ni’n ei ddosbarthu allan fel grantiau.
Cronfa Gymunedol y Loteri Genedlaethol yw’r unig ddosbarthwr arian asedau segur.
Beth sydd wedi ei ariannu gydag arian asedau segur
Mae’r ddeddfwriaeth yn dweud y dylid rhoi arian asedau segur:
i achosion cymdeithasol ac amgylcheddol
ym mhob un o bedair gwlad y DU
Mae llywodraeth pob gwlad yn gwneud ei phenderfyniadau ei hun ar sut orau i ddefnyddio’r arian hyn. Am fwy o fanylion, gallwch ddarllen cyfarwyddiadau gwariant pob gwlad ar gyfer sut maen nhw am i ni ddosbarthu’r asedau segur.
Dyma rai o’r rhaglenni ariannu a’r mudiadau rydyn ni wedi’u hariannu drwy’r Cynllun Asedau Segur.
Cymru
Yr Alban
Gogledd Iwerddon
Lloegr
Rydym hefyd wedi dosbarthu arian asedau segur i fudiadau penodol yn Lloegr. Y mudiadau hynny yw:
Rydym hefyd yn ariann’r Oversight Trust, sef corff annibynnol sy’n gyfrifol am oruchwylio sut mae’r 4 mudiad yma yn rheoli eu harian.