Rhoi cynhwysion da yn y cymysgedd - Gwersi a chyfleoedd ar gyfer gweithio ac ariannu seiliedig ar le

Cyflwyniad

Mae'r ymchwil hwn yn dangos yr hyn rydym ni wedi'i ddysgu am gyllid lleol. Mae'n rhannu gwersi o enghreifftiau bywyd go iawn ac yn eu cyfuno â chanfyddiadau o ymchwil a chyllidwyr eraill. Mae'r adroddiad wedi'i anelu at gyllidwyr sydd â diddordeb mewn dulliau seiliedig ar le.

Canfyddiadau

Daeth yr ymchwil i'r casgliad y dylai unrhyw un sydd â diddordeb mewn gweithio mewn ffordd sy’n seiliedig ar le ddechrau drwy ddod i adnabod hanes a chefndir yr ardal o'u dewis. Mae hyn oherwydd nad yw'r preswylwyr yn ymddiried mewn sefydliadau sy'n dod o'r tu allan.

Mae'r adroddiad hefyd yn dangos y canlynol:

• rhaid i gyllidwyr wrando'n astud ar y cymunedau maen nhw am weithio gyda nhw ac adeiladu ar eu cryfderau presennol

• mae gweithio 'gyda' pobl ac nid gwneud pethau 'iddyn nhw' yn hanfodol

• gallai fod yn ddefnyddiol dechrau'n fach, gan roi cynnig ar wahanol ddulliau

• mae'n bwysig gadael lle i newidiadau oherwydd bod pethau bron bob amser yn cymryd mwy o amser na'r disgwyl

• mae'n naturiol y bydd pethau'n mynd o'i le - byddai cyllid hirdymor yn caniatáu amser a lle i fyfyrio, ailfeddwl a newid y cyfeiriad