Mae cysylltiadau yn gwneud cymunedau: Ein rôl mewn ariannu seilwaith lleol

Cyflwyniad

Mae'r ymchwil hon yn archwilio effaith grantiau’r Loteri Genedlaethol ar seilwaith cymunedol, gan gynnwys:

• canolfannau cymunedol

• neuaddau pentref

• busnesau cymunedol

Mae'n canolbwyntio ar 5 prif effaith grantiau seilwaith cymunedol, sef:

• darparu swyddi a rhoi hwb i economïau lleol

• hwyluso perchnogaeth gymunedol

• adeiladu ac adnewyddu mannau a rennir

• gwella hygyrchedd

• dod â phobl at ei gilydd

Nod y canfyddiadau yw hysbysu cyllidwyr, llunwyr polisi, a sefydliadau sy'n gweithio i gryfhau seilwaith cymunedol.

Canfyddiadau 

Fe wnaeth yr ymchwil ganfod bod cefnogaeth Cronfa Gymunedol y Loteri Genedlaethol wedi bod yn bwysig ar gyfer seilwaith cymunedol ledled y DU. Mae'r arian hwn wedi cefnogi adeiladau fel neuaddau pentref a chanolfannau cymunedol, busnesau fel tafarndai a siopau cymunedol, ac asedau sy'n eiddo i'r gymuned fel datblygiadau tai a generaduron pŵer.

Daeth yr ymchwil i'r casgliad:

• bod mentrau cymunedol yn gwella ardaloedd lleol, gan ddarparu swyddi a rhoi hwb i economïau lleol

• bod perchnogaeth gymunedol yn sicrhau nad yw asedau allweddol yn cael eu colli, gan adeiladu gwydnwch yn wyneb newid economaidd

• bod gwella hygyrchedd yn gwneud mannau lleol yn ddefnyddiol i fwy o bobl, gan ddarparu cyfleoedd ac annog rhyngweithio

• bod mannau diogel a chroesawgar yn helpu pobl i gymryd rhan mewn gweithgareddau ac adeiladu cysylltiadau cymunedol