HeadStart - Adeiladu gwydnwch pobl ifanc i gefnogi eu hiechyd meddwl a lles

Cyflwyniad 

Mae'r adroddiad hwn yn dangos sut roedd partneriaethau HeadStart yn cefnogi iechyd meddwl a lles pobl ifanc mewn ysgolion a chymunedau ledled Lloegr. Mae'n canolbwyntio ar gyflawniadau cynnar y rhaglen ac yn dangos sut roedd y partneriaethau yn gweithio i atal problemau iechyd meddwl mwy difrifol rhag datblygu. Nod y canfyddiadau yw hysbysu ymarferwyr, y rhai sy’n gwneud penderfyniadau ac ymchwilwyr sydd â diddordeb mewn iechyd meddwl pobl ifanc.

Canfyddiadau 

Fe wnaeth yr ymchwil ganfod bod y rhaglen wedi rhoi cyfle i dros 131,000 o bobl ifanc gael mynediad at gymorth lles mewn tair blynedd hyd at haf 2019. Roedd hyn yn cynnwys mannau diogel mewn ysgolion a gwahanol weithgareddau adeiladu gwydnwch.

Roedd dros 18,500 o bobl ifanc wedi mynychu o leiaf un sesiwn gymorth ychwanegol, fel cwnsela neu fentora gan gymheiriaid.

Fe wnaeth yr ymchwil hefyd ganfod y canlynol:

• fe wnaeth y rhaglen arwain at fwy o ddealltwriaeth ac ymwybyddiaeth o beth yw gwydnwch a pham ei fod yn bwysig i les pobl ifanc

• gall dulliau ysgol gyfan o les helpu i newid meddylfryd ac arferion

• roedd cyd-gynhyrchu yn ganolog i bob agwedd ar y rhaglen - fe wnaeth helpu pobl ifanc i wneud penderfyniadau ynghylch pa wasanaethau y dylid eu cynnig

• dechreuodd mwy o bobl weld iechyd meddwl a lles fel cyfrifoldeb cyffredin, gan fynd y tu hwnt i dîm bugeiliol yr ysgol i gynnwys y gymuned gyfan