Gweithredu Cymunedol dros yr Amgylchedd: Yn ddigon bach i boeni, yn ddigon mawr i wneud gwahaniaeth

Cyflwyniad

Mae'r ymchwil hon yn archwilio sut mae cymunedau yn gweithredu i fynd i'r afael â materion amgylcheddol a newid yn yr hinsawdd.

Ei nod yw deall y canlynol:

• ffyrdd o annog newid ymddygiad

• cyd-fanteision gweithredu ar newid hinsawdd

• sut i wneud gweithgarwch newid hinsawdd dan arweiniad y gymuned yn fwy cynhwysol a chynrychioliadol

Mae'r ymchwil yn seiliedig ar brofiadau grwpiau sydd wedi’u hariannu gan Gronfa Gymunedol y Loteri Genedlaethol.

Mae'r canfyddiadau wedi'u bwriadu ar gyfer pobl sy'n sefydlu, gwella, comisiynu neu gyflawni gwaith amgylcheddol mewn cymunedau ledled y DU

Canfyddiadau

Fe wnaeth yr ymchwil ganfod y gall gweithredu cymunedol chwarae rhan bwysig wrth fynd i'r afael â heriau amgylcheddol a chefnogi gweithredu yn yr hinsawdd. Gall grwpiau lleol wneud y canlynol:

• ddod â phobl ynghyd

• adeiladu ymwybyddiaeth

• annog gweithgareddau amgylcheddol ymarferol

• arwain ac ysbrydoli newid ymddygiad

• cynnig atebion lleol ar gyfer problemau sy'n gallu ymddangos yn frawychus o gymhleth a haniaethol

Gall gwaith dan arweiniad y gymuned hefyd gryfhau perchnogaeth leol o atebion amgylcheddol.

Fe wnaeth yr ymchwil hefyd ganfod y canlynol:

• gall gweithredu cymunedol sy'n cefnogi'r amgylchedd gyflawni cyd-fanteision pwysig

• gall pobl a chymunedau wneud gwahaniaeth mewn gweithredu ar newid hinsawdd

• annog gweithredu amgylcheddol, ei gwneud yn hawdd ac yn ddeniadol, ac apelio at werthoedd pobl

• mae gweithgareddau ymarferol fel cadwraeth, tyfu bwyd a phrosiectau ynni yn adeiladu ymgysylltiad lleol

• mae arweinyddiaeth gymunedol yn cryfhau cyfranogiad ac ymrwymiad hirdymor i newid amgylcheddol

• croesawu a galluogi amrywiaeth yn gwneud gweithredu amgylcheddol yn fwy cynhwysol