Dod â phobl at ei gilydd: sut y gall gweithredu cymunedol fynd i'r afael ag unigrwydd ac ynysu cymdeithasol

Cyflwyniad

Mae'r ymchwil hwn yn archwilio sut y gall gweithredu cymunedol leihau unigrwydd ac ynysu cymdeithasol. Mae’n

• amlygu gwersi o'r sector cymunedol a gwirfoddol

• rhannu straeon gan elusennau sydd wedi’u hariannu gan Gronfa Gymunedol y Loteri Genedlaethol

• ystyried achosion unigrwydd hirsefydlog

• awgrymu beth y gellir ei wneud i'w atal

Mae'r adroddiad wedi'i anelu at sefydliadau, cyllidwyr a llunwyr polisi sy'n gweithio i gryfhau cysylltiadau cymunedol.

Canfyddiadau

Fe wnaeth yr ymchwil ganfod bod Cronfa Gymunedol y Loteri Genedlaethol yn cefnogi miloedd o brosiectau dan arweiniad y gymuned sy'n cyfrannu at fynd i'r afael ag unigrwydd ac ynysu cymdeithasol ledled y DU.

Mae'n dangos bod ymyriadau effeithiol ar gyfer unigrwydd yn aml yn mynd i'r afael â rhwystrau ymarferol i fod gyda phobl eraill, fel problemau symudedd neu ddiffyg trafnidiaeth. Ond mae ein dysgu yn awgrymu bod helpu i newid meddylfryd unigolyn unig yr un mor bwysig – a bod dod o hyd i ystyr wrth wraidd mynd i'r afael ag unigrwydd.

• Fe wnaeth yr ymchwil hefyd ganfod y canlynol:

• mae unigedd yn oddrychol ac nid yw bob amser yr un peth ag ynysu cymdeithasol

• gall digwyddiadau bywyd fel profedigaeth neu symud cartref gynyddu unigrwydd

• mae mannau cymunedol croesawgar yn helpu pobl i gysylltu â'i gilydd

• mae sefydliadau cymunedol mewn sefyllfa dda i adnabod a chefnogi pobl sy'n profi unigrwydd neu sydd mewn perygl o'i brofi

• gall hybu ffactorau amddiffynnol fel ystyr, gwydnwch, ac ansawdd perthnasoedd helpu i atal unigrwydd

• gall rhoi yn ôl i'r gymuned fod yn arbennig o bwerus wrth leihau teimladau o unigrwydd