Cryfhau cymunedau: strategaethau ar gyfer cefnogi lleoedd sydd wedi colli allan ar grantiau

Cyflwyniad

Mae'r ymchwil hon yn dangos sut i greu newid parhaol a darparu grantiau mewn cymunedau sydd wedi wynebu'n amddifadedd a dirywiad yn anghymesur ac sydd mewn perygl o golli allan ar grantiau.

Mae'n tynnu sylw at sut y gall buddsoddiad tymor hwy sy'n cynnig mwy nag arian adeiladu capasiti a chysylltiadau.

Mae'n rhannu 10 enghraifft, gan ganolbwyntio ar gyd-destun penodol pob lle, gan ddangos pwysigrwydd gwybodaeth leol. Nod yr ymchwil yw hysbysu cyllidwyr, sefydliadau cymunedol a llunwyr polisi sy'n cefnogi newid wedi’i arwain gan y gymuned.

Canfyddiadau

Edrychodd yr ymchwil ar wahanol ddulliau lleol ar gyfer grantiau seiliedig ar le. Mae'r astudiaethau achos yn dangos ystod o wahanol ddulliau o adeiladu seilwaith cymdeithasol, gan gynnwys:

• cynyddu gallu a chapasiti elusennau a rhwydweithiau lleol

• grymuso cymunedau i nodi a mynd i'r afael â'u blaenoriaethau

• helpu pobl i gael mynediad at gyfleoedd grantiau

Fe wnaeth ganfod y canlynol:

• anaml mae prosiectau adfywio untro a buddsoddiadau o'r brig i lawr yn effeithiol wrth fynd i'r afael â materion sy'n ymwneud â thanariannu hirdymor

• mae angen mwy nag arian yn unig ar gymunedau; maen nhw angen cymorth i adeiladu cysylltiadau a chyfleoedd, gweithio i gryfhau gallu a sgiliau lleol, a'r modd i wneud gwaith traws-gymunedol sydd wedi'i wreiddio'n ddwfn

• mae cael adnoddau i gymunedau yn gofyn am amynedd a pharodrwydd i adael i gymunedau ddysgu cymryd yr awenau

• mae buddsoddi amser mewn adeiladu cysylltiadau lleol yn helpu cyllidwyr a gwneuthurwyr penderfyniadau i dargedu cefnogaeth, cael gwared ar rwystrau, a rhyddhau potensial lleol

• mae tryloywder yn hanfodol - nid yw pob dull yn cyflawni llwyddiant hirdymor