Neidio i'r prif gynnwys

Buddion Gweithredu ar Newid Hinsawdd dan Arweiniad y Gymuned: Sut gellir deall a mesur cyfanswm buddion gweithredu ar newid hinsawdd dan arweiniad y gymuned?

Buddion Gweithredu ar Newid Hinsawdd dan Arweiniad y Gymuned: Sut gellir deall a mesur cyfanswm buddion gweithredu ar newid hinsawdd dan arweiniad y gymuned? (PDF, 1 MB)

Efallai nad yw'r ffeil hon yn addas ar gyfer defnyddwyr technoleg gynorthwyol. I ofyn am fformat hygyrch cysylltwch â ni.

Cyflwyniad

Mae'r adroddiad hwn yn dangos manteision eang gweithredu hinsawdd ym mywydau bob dydd pobl, gan helpu i ysgogi cefnogaeth a chyfranogiad mewn prosiectau gweithredu hinsawdd lleol.

Mae'n amlinellu'r manteision posibl o weithgareddau gweithredu hinsawdd, a fframwaith ar gyfer mesur y manteision hynny.

Mae'r adroddiad ar gyfer deiliaid grant y Gronfa Gweithredu Hinsawdd (CGH) a rhanddeiliaid eraill sydd â diddordeb mewn gweithredu hinsawdd dan arweiniad y gymuned. Gellir ei ddefnyddio mewn penderfyniadau ynghylch dylunio prosiectau, monitro neu werthuso prosiect, neu wrth gyfathrebu manteision posibl i randdeiliaid.

Canfyddiadau

Dangosodd yr ymchwil y gellir grwpio gweithredu hinsawdd dan arweiniad y gymuned i 6 math o weithgareddau:

  • natur (er enghraifft plannu coed, adfer cynefinoedd)

  • dŵr, gwastraff a defnydd (er enghraifft, ailgylchu, effeithlonrwydd dŵr)

  • ynni (er enghraifft, ynni adnewyddadwy cymunedol, mentrau effeithlonrwydd ynni)

  • trafnidiaeth (er enghraifft, teithio llesol, mentrau rhannu ceir)

  • ymgysylltu â'r cyhoedd (er enghraifft, eiriolaeth newid hinsawdd, addysg)

  • bwyd (er enghraifft, rhandiroedd, perllannau cymunedol)

Canfu'r adolygiad o ymchwil fod manteision y gweithgareddau hyn fel arfer yn eistedd o fewn pedwar 4 categori:

  • amgylcheddol: ansawdd a chadwraeth natur

  • economaidd: dosbarthiad adnoddau a chyfoeth mewn cymuned

  • sosioddiwylliannol neu gymunedol: lles cymdeithasol pobl

  • iechyd: lles corfforol a meddyliol pobl

Mae'r adroddiad yn cynnwys fframwaith ar gyfer mapio gweithgareddau gweithredu hinsawdd i'w manteision posibl mewn cyd-destun cymunedol, a dangosyddion enghreifftiol ar gyfer eu mesur.

Mae hefyd yn tynnu sylw at sut y gall mapiau systemau ddangos y berthynas achos-ac-effaith rhwng gweithredu yn a manteision penodol.

Mae'r ymchwil a'r canllawiau wedi'u crynhoi mewn adnodd i ddeiliaid grant sydd ar gael ar Lyfrgell Dystiolaeth y Gronfa.