Ymunwch â Phwyllgor Cymru

Mae gennym gyfle cyffrous i rywun sy'n angerddol am wneud gwahaniaeth cadarnhaol i gymunedau yng Nghymru. Rydym yn chwilio am aelod newydd i ymuno â Phwyllgor Cymru.

Ni yw ariannwr mwyaf gweithgarwch cymunedol yn y DU. Rydym yn dyfarnu arian Achosion Da'r Loteri Genedlaethol i gymunedau ledled Cymru.

Ynglŷn â'r rôl

Mae Pwyllgor Cymru yn helpu penderfynu ar gyfeiriad strategol Cronfa Gymunedol y Loteri Genedlaethol yng Nghymru.

Mae aelodau'r pwyllgor yn defnyddio eu gwybodaeth, eu profiad a'u meddwl strategol i:

• ddarparu cyfeiriad ar gyfer y Gronfa yng Nghymru

• gwneud penderfyniadau ar geisiadau i'n pwyllgorau gwneud grantiau

• bod yn llysgennad i'r Gronfa

Mae hwn yn amser cyffrous i ymuno â Phwyllgor Cymru. Bydd ein haelod newydd o'r pwyllgor yn helpu goruchwylio'r gwaith o gyflawni ein strategaeth Cymuned yw'r man cychwyn yng Nghymru. Byddant yn cefnogi ein gwaith i gynyddu ariannu ar gyfer achosion da a pharhau i ddarparu asedau segur.

Yr hyn rydyn ni'n chwilio amdano

Mae Pwyllgor Cymru yn dwyn ynghyd pobl â chefndiroedd, sgiliau a phrofiadau gwahanol, gan adlewyrchu amrywiaeth y cymunedau rydym yn eu hariannu a'u gwasanaethu.

Y peth pwysicaf yw bod ymgeiswyr yn angerddol am wneud Cymru yn lle gwell i bawb.

Rydym yn chwilio am rywun a fydd yn dod ag ystod eang o wybodaeth, sgiliau a phrofiad byw ac wedi'i ddysgu. Rydyn ni eisiau clywed gan bobl sydd â:

• phrofiad uniongyrchol o weithio gyda phobl ifanc

• profiad o weithio gyda chymunedau lleiafrifoedd ethnig

Dyma gyfle unigryw i fod yn rhan o sefydliad sy'n trawsnewid bywydau pobl. Os ydych chi'n angerddol am wneud Cymru yn lle gwell ac yn teimlo y gallech gyfrannu at Bwyllgor Cymru, ymgeisiwch i ymuno â ni.

Ymrwymiad amser a thâl

Gofynnwn i chi ymrwymo tua 2 ddiwrnod y mis, er y gall hyn amrywio. Mae'r gweithgareddau'n cynnwys:

• cyfarfodydd pwyllgor - ar-lein neu wyneb yn wyneb

• cyfarfodydd panel ariannu

• ymweliadau â phrosiectau

• cyfarfodydd gyda rhanddeiliaid

Y taliad yw £5,323 y flwyddyn.

Sut i ymgeisio

I gael rhagor o wybodaeth ac i ymgeisio, gallwch lawrlwytho'r canlynol:

• briff ymgeisydd (Word, 260 KB)

• ffurflen gais (Word, 239 KB)

Dyddiadau allweddol

Mae'r dyddiadau allweddol yn cynnwys:

• dyddiad cau ar gyfer ceisiadau - 11:59pm ar 23 Awst 2026

• dyddiadau'r cyfweliadau - 28 Medi i 9 Hydref 2026 (gall y dyddiadau hyn newid)

Os oes angen y ffurflen gais arnoch mewn fformat arall neu os oes angen amser ychwanegol arnoch i gwblhau'r ffurflen, cysylltwch â wales.committee@tnlcommunityfund.org.uk.

Tegwch, amrywiaeth a chynhwysiant

Rydym wedi ymrwymo i degwch, amrywiaeth a chynhwysiant. Rydym yn gweithio'n galed i sicrhau bod ein hariannu'n cyrraedd lle mae ei angen.

Rydym hefyd yn credu y dylai ein pobl gynrychioli'r cymunedau, y sefydliadau a'r unigolion rydyn ni'n gweithio gyda nhw. Dyna pam rydyn ni wedi ymrwymo i fod yn gyflogwr cynhwysol ac yn lle gwych i weithio. Rydym yn cydnabod ac yn dathlu bod ein pobl yn dod o gefndiroedd amrywiol. Rydym yn croesawu ceisiadau gan:

• bobl o gymunedau lleiafrifoedd ethnig

• pobl anabl a'r rhai sydd â chyflyrau iechyd hirsefydlog

• pobl LHDTC+

• pobl o wahanol gefndiroedd economaidd-gymdeithasol ac addysgol

• pobl o bob oed

Fel Cyflogwr Hyderus o ran Anabledd, rydym yn cymryd dull rhagweithiol wrth wneud addasiadau rhesymol, os oes angen, drwy gydol y broses recriwtio ac yn ystod cyflogaeth.