Canllaw cyflenwyr

Cyflenwi Cronfa Gymunedol y Loteri Genedlaethol (Y Gronfa) 

Mae'r Gronfa yn cefnogi pobl a chymunedau i lwyddo a ffynnu. Ni yw'r ariannwr cymunedol mwyaf yn y DU ac yn dosbarthu arian a godir drwy'r Loteri Genedlaethol i gymunedau ledled y DU. Rydym yn un o 12 dosbarthwr arian y Loteri Genedlaethol, ac rydym yn rhan o deulu ehangach y Loteri Genedlaethol. 

Mae ein harian yn cael effaith gadarnhaol ac yn gwneud gwahaniaeth i fywydau pobl. Rydym yn cefnogi prosiectau sy'n canolbwyntio ar bethau sy'n bwysig, gan gynnwys:  

Ein hegwyddorion 

Mae'r Gronfa yn dilyn set o egwyddorion allweddol sy'n sail i gaffael. Mae'r rhain yn cyd-fynd â'r rheolau a'r rheoliadau caffael, polisïau, ac ymrwymiad y Gronfa i gefnogi cymunedau i lwyddo a ffynnu. 

Cael gwerth am arian 

Rydym yn cyflwyno cystadleuaeth yn ddiofyn ac yn asesu cynigion ar gost ac ansawdd cylch bywyd cyfan, gan ddyfarnu i'r tendrwr mwyaf manteisiol. 

Dangos arfer da 

Mae arferion caffael y Gronfa wedi'u halinio â Safonau Masnachol y Llywodraeth i fodloni disgwyliadau ar gynllunio, rheoli a gweithredu gweithgareddau caffael. 

Cydymffurfio â gofyniad deddfwriaethol y sector cyhoeddus 

Mae prosesau caffael y Gronfa yn cydymffurfio â gofynion cyfreithiol a pholisi'r llywodraeth: 

Y tîm caffael 

Mae caffael yn chwarae rôl allweddol wrth gyflawni amcanion busnes y Gronfa. Mae caffael yn gosod polisi caffael, yn unol â'r arfer gorau i'r sefydliad. Rydym yn gyfrifol am ddarparu atebion caffael gwerth gorau ar gyfer yr holl nwyddau a gwasanaethau sy'n ofynnol gan y busnes. 

Mae'r tîm Caffael yn rheoli'r broses gaffael ar gyfer yr holl ofynion busnes gyda gwerth contract sy'n bodloni trothwy penodol. Mae ein gwasanaethau'n amrywio o gefnogi datblygu manyleb i ddyfarnu contract a darparu cymorth ôl-gontract. Rydym hefyd yn rheoli'r broses gaffael ar gyfer unrhyw ofynion sydd o natur gymhleth neu risg uchel. 

Ein gweledigaeth gaffael 

Ein gweledigaeth ar gyfer caffael yw ymgysylltu, cefnogi a galluogi'r Gronfa i gyflawni ei phwrpas i gefnogi pobl a chymunedau i ffynnu. Credwn y gellir cyflawni hyn trwy feithrin dull cynhwysol, cydweithredol, arloesol a strategol o gaffael. Mae ein dull yn canolbwyntio ar atebion ac yn fasnachol effeithiol i gefnogi cyflawni nodau'r Gronfa a'r gwerth cymdeithasol sydd wedi’i dystio. [H2] Ein datganiad cenhadaeth caffael 

Byddwn yn hwylusydd ar draws yr holl weithgareddau caffael gan ddarparu gwasanaeth rhagorol, ychwanegu gwerth ar draws cyflenwi, a darparu gweithrediadau effeithlon. Rydym yn hyrwyddo gwerth cymdeithasol, mynd i'r afael â'r argyfwng hinsawdd, ac yn optimeiddio gwerth. Rydym yn cyd-fynd ag egwyddorion a nodau'r Gronfa trwy fod yn bwrpasol, canolbwyntio ar effaith, bod yn berthnasol ac ychwanegu gwerth. 

Amlinelliad o'r gwasanaeth 

Mae'r Gronfa wedi'i nodi fel awdurdod contractio is-ganolog. Rydym wedi ymrwymo i sicrhau bod ein prosesau caffael a'n polisi yn cefnogi arian cyhoeddus sy'n cael ei wario mewn ffordd sy'n deg, yn gyfartal ac yn dryloyw.